Eldri hafístilkynningar

Birting hafístilkynninga

Sú breyting varð nýlega að hafístilkynningar berast sjálfvirkt og að sólarhringsvakt Veðurstofunnar birtir þær jafnóðum á vefnum. Einnig eru birt kort af aðstæðum eins og þurfa þykir.

Lesa meira

Fundur um samspil íss og andrúmslofts á norðurslóðum

Fundur var haldinn í CRAICC verkefninu að Hótel Rangá í október 2011. Verkefnið lýtur að samspili íss og andrúmslofts á norðurslóðum á tímum loftslagsbreytinga.

Lesa meira

Veðurstofan hefur frá upphafi fylgst með hafís við strendur Íslands. Athugunarmenn á veðurathugunarstöðvum við ströndina sendu upplýsingar um hafís og einnig bárust hafísfregnir af og til frá skipum og flugvélum á leið milli Íslands og Grænlands. Veðurtunglamyndir fóru að berast til Veðurstofunnar árið 1967 og gögn frá gervihnöttum hafa í auknum mæli verið notuð til vöktunar á hafís, einkum síðustu árin. Lesa meira

Óvenjulítill hafís

Þróun hafísbreiðunnar á norðurhveli næstu vikurnar verður áhugaverð. Hlutfall þykks, margra ára gamals íss hefur farið minnkandi en það gerir hafísbreiðuna viðkvæmari fyrir hitasveiflum. Nú stefnir í að útbreiðsla hafíss síðsumars 2010 nálgist lágmarkið frá sumrinu 2007.

Lesa meira

Er hafís á norðurhveli að jafna sig?

Undanfarna áratugi hefur flatarmál hafísbreiðunnar á norðurhveli minnkað um 2.7% á áratug. Að sumarlagi er samdrátturinn meiri eða 7.4% á áratug og var langmestur sumarið 2007. Þó hafísbreiðan hafi stækkað næstu tvo vetur þar á eftir, þá fer því fjarri að vetrarísinn hafi náð þeirri útbreiðslu sem algeng var fyrir aldamótin. Lesa meira

Stofnskrá um ískort undirrituð

Hinn 31. október 2008 undirritaði Magnús Jónsson veðurstofustjóri stofnskrá Alþjóðasamvinnuhóps um ískortagerð. Lesa meira

Endalok hafísbreiðunnar á norðurhveli?

Eftir því sem sumarísinn dregst saman í N-Íshafinu má búast við því að æ minni ís reki með Austur-Grænlandsstraumnum inn á Íslandsmið. Því verður það fátíðara að hafís norðan við landið kæli landið síðla vetrar eða á vorin. Lesa meira

Óvenjulítill hafís á norðurslóðum

Óvenjulítill hafís er nú á norðurslóðum (í ágúst 2007) og hefur aldrei verið jafnlítill á þessum árstíma síðan samfelldar gervihnattamælingar hófust árið 1979.

Lesa meira