Fréttir
Veðurfréttir
Veðurfréttir lesnar í útvarp.

Veðurfréttir

29.9.2009

Hinn 28. september 2009 urðu þær breytingar á útsendingartíma veðurfregna á RÚV, Rás eitt, að veðurspá, sem flutt hefur verið frá Veðurstofu Íslands að loknum fréttum kl. 16, verður framvegis klukkan 18:50. Með spánni verður einnig skýrt frá hæsta hita dagsins og mestu úrkomu. Í morgunfréttatíma, sem er kl. 10:03, er skýrt frá lægsta hita næturinnar.

Veðurfregnir frá Veðurstofu eru nú lesnar í útvarp kl. 00:50, 4:30, 6:40, 10:03, 12:45, 18:50 og 22:07. Auk þess eru lesnar stuttar veðurfréttir með öðrum fréttum RÚV og annarra útvarpsstöðva.

Nýjar veðurspár eru birtar bæði fyrr og oftar hér á vef Veðurstofunnar enda vefurinn orðinn sá miðill sem flestir reiða sig á varðandi bæði almennar og nákvæmar veðurfréttir. Samkvæmt mælingum Modernus hefur fjöldi notenda í viku hverri á þessu ári (2009) yfirleitt verið yfir 60 þúsund og í 31. viku ársins (27. júlí til 2. ágúst) voru notendur yfir 90 þúsund.

Þess má einnig geta að veðurfréttir RÚV í sjónvarpi eru afar vinsælar en samkvæmt mælingum Capacent-Gallup á áhorfi í 37. viku ársins, 7.-13. september 2009, horfðu 28,3% fólks á aldrinum 12-80 ára á veðurfréttirnar sem trónuðu á toppnum þá viku.





Aðrir tengdir vefir



Þetta vefsvæði byggir á Eplica