• Viðvörun

    Búist er við talsverðri eða mikilli rigningu á Suðausturlandi fram undir morgun, en á Austfjörðum fram að hádegi. Á þessum svæðum má búast við vatnavöxtum og auknum líkum á skriðuföllum. Gildir til 21.10.2017 00:00 Meira
Fréttir
kort - fallvötn milli Vatnajökuls og Mýrdalsjökuls
Skaftá, afstöðukort.

Hlaup úr eystri Skaftárkatli ekki komið fram

4.8.2011

Hlaup úr eystri Skaftárkatli hefur enn ekki komið fram í auknu rennsli í Skaftá. Hlaup úr vestari Skaftárkatli hefur ekki gengið alveg niður og rennsli árinnar er því töluvert meira en í "venjulegu" sumarrennsli. Áin er mjög gruggug og leiðni vex áfram og því eru áfram sterk teikn um að hlaup sé í vændum.

Á meðan aukið rennsli kemur ekki fram á mæli við Sveinstind er ekki auðvelt að segja til um hvenær hlaupið, ef af verður, muni ná niður í byggð. Aðeins hefur orðið vart við nokkra litla skjálfta við katlana, sem gætu verið ísskjálftar.

Fólki er engu að síður ráðlagt að vera ekki nálægt upptökum Skaftár eða í lægðum meðfram henni vegna mengunar af völdum brennisteinsvetnis en það getur skaðað slímhúð í augum og öndunarvegi.

Óðinn Þórarinsson og Evgenia Ilyinskaya komu að gerð þessarar fréttar.

Í fróðleiksgrein frá 2009 má lesa um jökulhlaup úr vestari Skaftárkatli; sjá einnig: Bergur Einarsson (2009). Jökulhlaups in Skaftá: A study of a jökulhlaup from the Western Skaftá cauldron in the Vatnajökull ice cap (pdf 6,7 Mb).




Aðrir tengdir vefir



Þetta vefsvæði byggir á Eplica