• Viðvörun

    Búist er við miklum vatnavöxtum í ám og lækjum SA og A til á morgun
  • Viðvörun

    Búist er við stormi sunnanlands á morgun með mikilli rigningu á Suðausturlandi og Austfjörðum Gildir til 24.09.2017 00:00 Meira
Fréttir
Vindaspá fyrir Vestfirði í dag.

Fárviðri á norðanverðum Vestfjörðum

Spáð ofsaveðri eða fárviðri þar eftir hádegi

9.12.2014

Veðurstofan vekur athygli á að samkvæmt nýjustu spálíkönum er spáð norðaustan ofsaveðri eða fárviðri (25-35 m/s) á norðanverðum Vestfjörðum eftir hádegi í dag, 9. desember.

Búist er við að veður versni mikið á milli kl. 14 og 15 á Hornströndum og við Ísafjarðardjúp, þar með talið á þéttbýliskjörnum í Djúpinu. Veðurhæðinni fylgir talsverð ofankoma.

Í kvöld og nótt gera spár ráð fyrir norðaustan 20-28 m/s og snjókomu eða éljum á öllum Vestfjörðum. Mikið dregur úr vindi fyrir hádegi á morgun.

Nánar

Fyrir norðan land er ört vaxandi lægð sem verður 945 hPa við mynni Húnaflóa síðdegis í dag. Vestan lægðarinnar er umræddur vindstrengur í fárviðrisstyrk. Spár gærdagsins gerðu ráð fyrir að þessi vindstrengur næði ekki inn á Vestfirði en nýjustu spár með greiningartíma 06 UTC í dag (þriðjudag) benda eindregið til þess.

Vakthafandi veðurfræðingar:
Birta Líf Kristinsdóttir
Elín Björk Jónasdóttir
Teitur Arason

Viðvörun vegna sjávarflóða

Mikilli ölduhæð, yfir 12 m af norðan og norðnorðaustan, er spáð undan Vestfjörðum að kvöldi þriðjudags (9. des.) og aðfaranótt miðvikudags (10. des.).

Rétt að vera sérstaklega á varðbergi fyrir áhrifum af ágjöf og brimróti vegna vegna hárrar sjávarstöðu í ljósi sjávarfallahæðar og talsverðs áhlaðanda.

Viðbragðsaðilum á Vesturlandi og Vestfjörðum er ráðlagt að fylgjast vel með aðstæðum og til að vera undirbúnir því að greiða úr vandræðum sem af þessu geta hlotist.

Að höfðu samráði við sérfræðinga í sjávarflóðum Verðurstofu Íslands og Vegargerðarinnar.

Viðvörun send út 8. desember
Vakthafandi veðurfræðingar:
Helga Ívarsdóttir
Teitur Arason


Aðrir tengdir vefir



Þetta vefsvæði byggir á Eplica