• Viðvörun

    Búist er við miklum vatnavöxtum í ám og lækjum SA og A til á morgun
  • Viðvörun

    Búist er við stormi sunnanlands á morgun með mikilli rigningu á Suðausturlandi og Austfjörðum Gildir til 24.09.2017 00:00 Meira
Fréttir
Kort á forsíðu Vatnafars. Nánar ef smellt.

Um veðurspá og flóðaástand

Spár hafa gengið eftir og vatnavextir miklir

12.10.2016

Mikið hefur rignt á Suður- og Vesturlandi síðan í gær og hafa veðurspár gengið eftir. Mest úrkoma hefur mælst í Bláfjöllum en þar er sólarhringsúrkoma nú um 150 mm (um kl 16). Búast má við mikilli rigningu á Vesturlandi fram yfir miðnætti en á Suðurlandi má búast við mikilli úrkomu allan næsta sólarhring.

Mestu flóðin

Mestu flóðin hingað til hafa verið á Barðaströnd, Snæfellsnesi og á svæðinu við Mýrdalsjökul. Einnig hafa verið miklir vatnavextir í ám í nágrenni Reykjavíkur og er enn að vaxa í þeim.

Hvítá, Ölfusá og Sogið

Enn hafa ekki verið mjög miklir vatnavextir á vatnasviði Hvítár og Ölfusár en rennslið þar á eftir að vaxa allan morgundaginn. Mjög mikið hefur verið í Soginu. Rennsli þar er nú um 220 m³/s og er enn að vaxa. Til samanburðar má geta þess að meðalrennsli í Soginu er um 109 m³/s. Hámarki verður líklega náð þar á morgun en spáð er mikilli úrkomu þar í nótt.

Múlakvísl, Jökulsá á Sólheimasandi og Krossá

Rennsli Múlakvíslar og Jökulsár á Sólheimasandi hefur líkega sjaldan orðið meira undanfarna áratugi nema í jökulhlaupum. Í Krossá í Þórsmörk er einnig mjög mikið rennsli og er áin farin að dreifa mikið úr sér. Enn á eftir að vaxa mjög í ám á svæðinu frá Mýrdalsjökli til Hornafjarðar.

Skaftafellssýsla

Veðurstofan er með vatnshæðarmæli í Djúpá; rennsli þar er nú komið yfir 100 m³/s og vex hratt. Gera má ráð fyrir að rennsli Djúpár og annarra vatnsfalla í Skaftafellssýslu haldi áfram að vaxa þangað til síðdegis á morgun.



Aðrir tengdir vefir



Þetta vefsvæði byggir á Eplica