Vetrarsólhvörf, eða vetrarsólstöður, eru þegar sól er lægst á lofti á norðurhveli jarðar og dagurinn stystur. Vetrarsólhvörf 2010 eru 21. desember kl. 23:38.

Í tilefni af 90 ára afmæli Veðurstofu Íslands hefur verið hannaður leikur þar sem almenningi gefst kostur á að spá veðrinu tvo daga fram í tímann. Reglurnar eru einfaldar. Þátttakendur skrá sig til leiks og byrja að spá á mánudegi.

Í tilefni af 90 ára afmæli Veðurstofu Íslands er boðað til afmælisfundar á Hilton Reykjavík Nordica, hinn 14. desember 2010.

Fremur kalt var með köflum og fyrir miðjan mánuð varð óvenju snjóþungt víða um landið norðaustanvert. Á Suðvestur- og Vesturlandi var mánuðurinn með þurrara móti og þar var snjólétt.

Ríflega 1100 jarðskjálftar mældust á SIL-mælakerfi Veðurstofu Íslands í október. Stærsti skjálfti mánaðarins varð á Reykjaneshrygg, Ml 4,7. Við Blöndulón varð skjálfti Ml 3,8 í lok mánaðar og var hann stærsti skjálfti á landi.

Grein um eldgosið í Eyjafjallajökli birtist í nýjasta hefti hins virta vísindatímarits Nature. Greinin fjallar um aðdraganda gosanna í Eyjafjallajökli í vor og hvaða lærdóm má draga af atburðarásinni.

Norræni skjaladagurinn var haldinn laugardaginn 13. nóvember og var Þjóðskjalasafn Íslands með opið hús í frá kl. 11 til 15 í samstarfi við Veðurstofu Íslands sem heldur upp á 90 ára afmæli sitt á þessu ári.

Þema dagsins var Veður og loftslag undir slagorðinu Óveður í aðsigi. Sýningin var vönduð og vel upp sett.

Norrænn skjaladagur verður haldinn hátíðlegur laugardaginn 13. nóvember og er Þjóðskjalasafn Íslands með opið hús í frá kl. 11 til 15. Þema dagsins er Veður og loftslag undir slagorðinu Óveður í aðsigi og verður opna húsið í samstarfi við Veðurstofu Íslands sem heldur upp á 90 ára afmæli sitt á þessu ári.

Hlýtt var í október og hiti á landinu 1 til 2 stigum yfir meðallagi áranna 1961-1990. Hlýindin voru óvenjuleg framan af mánuðinum, en síðan kólnaði og var hiti síðari hlutann nærri meðallagi og suma daga undir því. Úrkoma var víðast hvar minni en í meðalári nema sums staðar á Norðaustur- og Austurlandi.

Staðfest var í gær, 31. október, að hlaup var hafið í Gígjukvísl. Rennslið í kvíslinni hefur aukist stöðugt. Milli kl. 14:00 og 15:00 í gær mældist rennslið 143 m³/s og rann þá undir einu brúarhafi. Milli kl. 09:00 og 10:00 í morgun, 1. nóvember, rann undir 4-5 brúarhöfum og rennslið var 455 m³/s.

20.10.2010. Síðla hausts 2010 verða kynnt drög að kortum vegna flóða í Hvítá í Borgarfirði, Skagafirði og neðri hluta Ölfusár.

September var óvenju hlýr, meðal hinna allra hlýjustu um mestallt land. Svalast að tiltölu var við ströndina á Austfjörðum og austast á Suðurlandi. Sérstaklega hlýtt var í fyrstu vikunni þegar hitamet voru slegin á fjölmörgum veðurstöðvum. Framan af mánuðinum var óvenju þurrt um landið norðanvert en þegar leið á mánuðinn rigndi mikið syðst á landinu.

Í tilefni af 90 ára afmælinu hefur Veðurstofan, í samvinnu við Landsbókasafn Íslands-Háskólabókasafn, látið mynda þrjú af höfuðritum Þorvaldar Thoroddsen. Tengjast þau öll starfssviði stofnunarinnar.

Á allsherjarþingi European Seismological Commission (ESC), sem haldið var í Montpellier í Frakklandi í síðustu viku, var Steinunn S. Jakobsdóttir, jarðeðlisfræðingur og verkefnisstjóri jarðváreftirlits á Veðurstofu Íslands, kosin forseti samtakanna til tveggja ára. Kosning hennar var einróma.

Hlýtt var í ágúst. Um vestan- og suðvestanvert landið var hann einn af fimm hlýjustu mánuðum frá upphafi mælinga en í öðrum landshlutum var heldur svalara að tiltölu, svalast á Austfjörðum. Hiti var þó alls staðar yfir meðallagi. Þurrt var sums staðar um landið norðvestanvert en fremur úrkomusamt víða annars staðar.

Alþjóðleg lokaráðstefna norræna rannsóknarverkefnisins Loftslag og orkukerfi (Climate and Energy Systems, CES) var haldin í Osló 31. maí til 2. júní síðastliðinn. Kynntar voru rannsóknir á loftslagsbreytingum og áhrifum þeirra á orkuframleiðslu og orkukerfi. Verkefnið er það þriðja í röðinni frá 2001 og hafa þau öll verið undir stjórn Veðurstofu Íslands og fyrrum Vatnamælinga.

Í samræmi við umfjöllun fjölmiðla um hitabylgjur og neikvæðar afleiðingar af þeirra völdum, benda nýjustu niðurstöður ERA-Interim endurgreiningarinnar til þess að meðalhiti landsvæða á norðurhveli jarðar utan hitabeltisins hafi slegið met í júlí 2010. Maí og júní 2010 voru einnig óvenjulega heitir.

Hlýtt var í júlí, suðvestanlands var hann einn af hlýjustu mánuðum sem vitað er um, en í öðrum landshlutum var heldur svalara að tiltölu. Hiti var þó alls staðar vel yfir meðallagi. Mjög þurrt var sums staðar um landið norðvestanvert, en fremur úrkomusamt sums staðar á Austurlandi.

Þróun hafísbreiðunnar á norðurhveli næstu vikurnar verður áhugaverð. Hlutfall þykks, margra ára gamals íss hefur farið minnkandi en það gerir hafísbreiðuna viðkvæmari fyrir hitasveiflum. Nú stefnir í að útbreiðsla hafíss síðsumars 2010 nálgist lágmarkið frá sumrinu 2007.

Mánuðurinn var óvenju hlýr um mikinn hluta landsins og hlýjasti júnímánuður frá upphafi mælinga sums staðar vestanlands. Mjög þurrt var víðast hvar á landinu og háðu þurrkar gróðri.

Í byrjun júní 2010 skrifuðu sautján aðilar, er koma að ferðaþjónustu á einn eða annan hátt, undir samstarfssamning í Krýsuvík um öryggismál ferðamanna. Þessir aðilar hafa sameinast um einn vettvang þar sem allar upplýsingar um örugga ferðamennsku eru aðgengilegar. Sá staður er vefsíðan Safetravel, ásamt blaði með sama nafni.

Hlaup hófst í Skaftá 20. júní. Fyrstu merki um hlaupið komu fram á mæli við Sveinstind aðfaranótt sunnudags en þá byrjaði rafleiðni og aurburður í vatninu að aukast. Um hádegi fór vatnsborð árinnar að hækka og náði ákveðnu hámarki undir miðnætti á sunnudag. Síðdegis mánudag og þriðjudag hefur rennsli aukist aftur.

Norræna ráðherranefndin ákvað undir lok síðasta árs að efla mjög rannsóknir á loftslagsbreytingum og áhrifum þeirra á umhverfi og samfélag og hefur nú veitt jafnvirði 10 milljarða íslenskra króna til rannsóknarverkefna á þessu sviði sem eiga að fara fram á næstu fimm árum. Á grunni CES verkefnisins, sem lauk nýlega, var sótt um stuðning til þriggja verkefna sem Íslendingar taka þátt í og leiða.

Sumarþing Veðurfræðifélagsins er haldið í dag, þriðjudaginn 15. júní 2010. Þingið er opið öllum er áhuga hafa á veðri og veðurfari. Fjallað verður um veðurspár og um tölfræðilega úttekt á veðurfari.

Mánuðurinn var hlýr, hægviðrasamur og fremur þurr. Kuldar voru þó til ama á norðaustur- og austurhluta landsins um tíma.

Hiti var nærri meðallagi í apríl. Úrkoma var minni en í meðalári um landið suðvestanvert, en yfir meðallagi norðaustanlands. Sólskinsstundir voru fleiri en í meðalári í Reykjavík. Snjór var minni en í meðalári.

Gosmökkurinn úr Eyjafjallajökli sést ekki á ratsjá Veðurstofunnar og ekki hefur orðið vart við öskufall undir Eyjafjöllum í morgun. Gosórói hefur haldist töluverður.

Í flugi í dag mátti sjá stóran gosstrók um klukkan fjögur og náði hann tímabundið 30.000 feta hæð.

Jarðskjálfti, 2,5 á stærð og á 6-7 km dýpi, mældist rétt fyrir kl. 23 þann 13. apríl í Eyjafjallajökli. Rétt fyrir kl. 7 þann 14. apríl fór vatn við Gígjökul að vaxa mjög hratt. Það bendir til að eldgos sé undir toppgíg Eyjafjallajökuls.

Fylgist með nýjum upplýsingum um eldsumbrotin í grein um framvinduna. Ef smellt er á borðann Eyjafjallajökull hér efst á forsíðunni opnast sama grein.

Í mars var hlýtt í veðri og hiti ofan meðallags um land allt. Hlýjast að tiltölu varð á hálendinu vestanverðu en kaldast að tiltölu varð austanlands.

Dagur vatnsins, 22. mars, á rætur að rekja til umhverfisráðstefnu Sameinuðu þjóðanna í Rio de Janeiro árið 1992. Dagurinn er á þessu ári helgaður vatnsgæðum og verndun þeirrar auðlindar. Alþjóðaveðurdagurinn, 23. mars, á rætur að rekja til sáttmála um Alþjóðaveðurfræðistofnunina sem minnir á að í sextíu ár hefur hún samræmt þjónustu veðurfræðistofnana um allan heim með öryggi og velferð íbúanna að markmiði.

Fyrstu tvær vikur mánaðarins máttu heita einn samfelldur góðviðriskafli. Síðari hluta mánaðarins var vetrartíð, talsvert snjóaði, fyrst um landið norðaustan- og austanvert, en allra síðustu dagana einnig á Suður- og Vesturlandi og urðu þá nokkrar truflanir á samgöngum.

Upp úr miðnætti í nótt hófst jarðskjálftahrina á Reykjaneshrygg en mesta virknin var frá 04:30 til 06:00 og mældist á jarðskjálftastöðvum um allt land.

Nú fyrir skemmstu varð Veðurstofa Íslands 90 ára, en hún telst hafa tekið til starfa 1. janúar 1920. Starfsstöðvar Veðurstofu Íslands í Reykjavík eru á Bústaðavegi 9 og Grensávegi 9. Ennfremur rekur stofnunin útibú á Ísafirði þar sem einkum er fengist við ofanflóðaverkefni og gerðar eru veðurathuganir og fleiri mælingar í starfsstöðinni á Keflavíkurflugvelli. Þá rekur stofnunin athugunarkerfi og mælistöðvar um allt land.

Veðurstofan minnir á Þorraþing Veðurfræðifélagsins sem haldið verður í dag, fimmtudaginn 11. febrúar, kl. 13:00 í Víðgelmi í Orkugarði að Grensásvegi 9. Veðurfræðifélagið er opið öllum áhugamönnum um veður og veðurfræði og þingið sömuleiðis.

Kalt var í upphafi mánaðarins, en síðan voru lengst af óvenjuleg hlýindi. Óvenju hægviðrasamt var í mánuðinum. Um norðanvert landið var úrkoma óvenjulítil og snjólétt var.

Laust upp úr klukkan sex að morgni 12. janúar 2010 varð skjálfti af stærðinni M_L 3 undir Eyjafjallajökli en síðastliðnar tvær vikur virðist skjálftavirkni þar vera að færast í aukana á ný, miðað við undanfarna fjóra mánuði.

Rit félags veðurfræðinga Veðrið (1956 - 1978) er nú aðgengilegt á timarit.is.