http://www.vedur.is Veðurstofa Íslands is-IS Copyright 2026 Veðurstofa Íslands Fri, 18 Sep 2026 11:13:11 +0000 http://backend.userland.com/rss vedur@vedur.is vedur@vedur.is Eplica 3 (HEAD ) 40 http://www.vedur.is/ofanflod/ostodugar-hlidar/ostodugar-hlidar <p>Á síðustu árum hefur Veðurstofan lagt auknar áherslur á að kortleggja og rannsaka óstöðugar hlíðar víðsvegar um landið. Samfara rannsóknum og kortlagningu hefur svæðum verið að fjölga sem verið er að fylgjast með og vakta. </p><p>Svínafellsheiðin er fyrsta svæðið á landinu sem er vaktað með síritandi mælitækjum sem gefur kost á 24 klst vöktun. Mælitækjum var komið fyrir í hlíðina ofan við austanverðan Svínafellsjökul haustið 2018, eftir að niðurstöður úr kortlagningu og mælingum í samstarfi við Háskóla Íslands leiddu í ljós að um 1,7 km langa sprungu væri að finna í fjallshlíðinni. Sprungu sem að rekja má frá yfirborði jökulsins í 300 m h.y.s. og upp á efsta hluta heiðinnar í um 850 m h.y.s. Af ummerkjum að dæma var ljóst að sprunga þessi væri frekar nýlega og hafði myndast á síðustu 10-15 árum og að hreyfingar hefðu verið um sprunguna á síðustu árum. Rannsóknir benda til þess að hér sé um að ræða 60-100 milljón rúmmetrar af efni sem gætu hlaupið út á Svínafellsjökul og mögulega náð ofan í lónin fyrir framan jökulinn. Atburðir af þessari stærðargráðu eiga sér gjarnan aðdraganda sem vonast er að hægt sé að greina með síritandi mælitækjum. </p> Mon, 17 Feb 2020 15:21:00 +0000 http://www.vedur.is/ofanflod/ostodugar-hlidar/ostodugar-hlidar