Staðaspár -

Sýna flokk veðurstöðva

Finna spá fyrir veðurstöð

Stöðvalisti
 

Textaspá fyrir allt landið

Veðurhorfur á landinu

Norðvestan 10-18 m/s um landið austanvert, hvassast við ströndina. Mun hægari vindur vestantil á landinu. Talsverð eða mikil rigning um landið norðaustanvert og hiti 4 til 9 stig, en skýjað með köflum sunnan- og vestanlands og hiti 8 til 16 stig. Dregur smám saman úr vindi og úrkomu á morgun, en léttir til sunnan- og vestanlands. Hlýnar heldur í veðri.
Spá gerð: 03.07.2022 05:09. Gildir til: 04.07.2022 00:00.

Veðurhorfur á landinu næstu daga

Á þriðjudag:
Hæg suðvestlæg eða breytileg átt en norðvestan 5-10 norðaustantil fram eftir degi. Víða bjartviðri, en skýjað og lítilsháttar væta á sunnan- og vestanverðu landinu. Hiti 10 til 17 stig.

Á miðvikudag:
Suðvestan 5-10 og súld eða rigning með köflum, en lengst af þurrt fyrir austan. Hiti breytist lítið.

Á fimmtudag, föstudag og laugardag:
Útlit fyrir suðvestlægar áttir. Víða rigning eða súld öðru hvoru en úrkomuminna norðaustantil. Hiti 10 til 18 stig, hlýjast á Austurlandi.
Spá gerð: 03.07.2022 08:16. Gildir til: 10.07.2022 12:00.

Hugleiðingar veðurfræðings

Lægð fyrir austan land stjórnar veðrinu hjá okkur í dag. Norðvestan hvassviðri austast með hvössum vindhviðum við fjöll, einkum á sunnanverðum Austfjörðum. Talsverð eða mikil rigning um landið norðaustanvert. Svalt er í veðri á þeim slóðum og má búast við að fjöllin setji á sig hvíta húfu. Sunnanlands er mun hlýrra og sólríkt á köflum. Lægðin fjarlægist landið þegar líður á morgundaginn og dregur því smám saman úr vindi og úrkomu, en sunnan- og vestanlands má búast við fallegum sumardegi. Síðan taka við mildar suðvestlægar áttir með dálítilli vætu í flestum landshlutum, en þurrt með köflum austantil á landinu.
Spá gerð: 03.07.2022 06:34. Gildir til: 04.07.2022 00:00.





Aðrir tengdir vefir



Þetta vefsvæði byggir á Eplica