Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Norðaustan og norðan átt, víða 8-15 m/s, en hægari breytileg átt allra syðst. Styttir smám saman upp suðvestan- og vestantil og léttir til, en annars víða rigning og talsverð úrkoma á Norðaustur- og Austurlandi fram til kvölds. Fer að draga út vindi og úrkomu í kvöld.
Norðlæg átt 5-13 m/s á morgun. Skýjað og dálítil væta á Norðurlandi og skúrir allra syðst, annars bjart með köflum og þurrt.
Hiti 5 til 16 stig, mildast syðst.
Spá gerð: 08.08.2026 15:19. Gildir til: 10.08.2026 00:00.
Veðurhorfur á landinu næstu daga
Á mánudag:
Vestlæg eða breytileg átt 3-8 m/s og lengst af léttskýjað, en stöku skúrir inn til landsins síðdegis. Hiti 12 til 18 stig.
Á þriðjudag:
Hægt vaxandi austlæg átt og skýjað með köflum eða léttskýjað, en þykkar smám saman upp sunnantil. Fer að rigna á Suður- og Suðausturlandi síðdegis. Hiti breytist lítið.
Á miðvikudag (almyrkvi á sólu):
Austan og norðaustan 3-10 m/s og allvíða skýjað og rigning, en skýjað með köflum og úrkomuminna á Norður- og Austurlandi þegar líður á daginn. Hiti 8 til 18 stig, svalast við norðurströndina.
Á fimmtudag:
Fremur hæg norðlæg eða breytileg átt, en norðan 5-10 m/s vestantil. Rigning eða súld um norðan- og austanvert landið, en annars skýjað með köflum og stöku skúrir. Hiti 8 til 18 stig, mildast syðst.
Á föstudag:
Útlit fyrir norðvestlæga átt með vætu framan af degi norðaustantil, en annars skýjað með köflum og þurrt. Hlýnar heldur.
Spá gerð: 08.08.2026 08:26. Gildir til: 15.08.2026 12:00.
Hugleiðingar veðurfræðings
Í dag hefur verið ákveðin norðaustanátt um mest allt land, en hægari vindur allra syðst. Úrkomusamt um landið norðan- og austanvert, en úrkomulítið sunnan- og vestanlands og þar fór að létta til þegar leið á daginn. Hiti hefur hæst komist í 15.5 stig á Eyrarbakka.
Í kvöld kólnar heldur og fer að draga úr úrkomu norðan- og austantil.
Á morgun, sunnudag dregur ennfrekar úr norðanáttinni. Enn má búast við dálítilli vætu og svölu veðri á Norður- og Norðausturlandi. Sunnan- og vestanlands verður hins vegar bjart veður að mestu, en skúrir allra syðst. Hiti víða 10 til 16 stig um sunnanvert landið.
Eftir helgi er reiknað með hægum vindi og víða léttskýjuðu veðri og það hlýnar á ný norðan- og austanlands. Á þriðjudag er útlit fyrir að lægð nálgist landið, það þykknar upp og fer að rigna, fyrst suðaustantil.
Varðandi veður á sólmyrkvadaginn er útlit fyrir að skil fari yfir landið með talsverðri skýjahulu og úrkomu, en óvissa er um nákvæmar tímasetningar. Þó má leiða líkum að því að skýjahulan brotni eitthvað upp þegar líður á daginn þegar skilin verða farin hjá.
Spá gerð: 08.08.2026 15:50. Gildir til: 10.08.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica