22.11.2026
Suðlægar áttir og vætusamt næstu daga.
Það blés hressilega fram yfir hádegi, einkum suðvestanlands, en veðurviðvaranir vegna vinds voru í gildi sunnan- og vestanalnmds og er enn í gildi fyrir miðhálendið. Rigndi einnig talsvert á þeim slóðum og mun áfram rigna fram yfir miðnætti. Hægari vindar voru norðaustantil og þurrt.
Á morgun er spáð suðaustanstrekkingi eða allhvössum vindi með rigningu eða súld, en lengst af þurru á Norður- og Austurlandi. Áfram hlýtt í veðri með hita að 10 stigum þegar best lætur.
Á þriðjudag og miðvikudag er síðan áfram suðlæg átt í kortunum, þótt vindhraðinn verði minni en dagana á undan. Útlit fyrir rigningu með köflum, en áfram þurrt að mestu norðanlands. Á fimmtudagsmorgun nálgast víðáttumikil og dýpkandi lægð, sem mun líklega valda suðaustanstormi með talsverðri rigningu sunnan heiða.