Vikulegt jarðskjálftayfirlit

Jarðskjálftavirkni á öllu landinu er lýst í vikuyfirliti sem birt er á vefnum. Náttúruvársérfræðingur á vakt skrifar vikuyfirlitið sem birt er á þriðjudögum. Þar er farið yfir virkni vikunnar á öllum jarðskjálftasvæðum og í eldstöðvarkerfum á landinu. Ef jarðskjálftahrinur eru í gangi, stærri skjálftar eða aðrir markverðir atburðir hafa orðið í vikunni er fjallað sérstaklega um það.

Vikuyfirlit

Jarðskjálftayfirlit viku 17, 22. - 28. apríl 2024

Um 650 skjálftar mældust þessa viku sem eru fleiri en í síðustu viku þegar 450 skjálftar mældust. Virknin var nokkuð dreifð um landið. Stærsti skjálfti vikunnar varð þann 22. apríl, við Reykjanestá og mældist 3,1 að stærð.

Eldgosið sem hófst 16. mars á Sundhnjúksgígaröð stendur enn yfir og virkni er ennþá bundin við einn gíg.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira

Jarðskjálftayfirlit viku 16, 15. - 21. apríl 2024

Tæplega 450 skjálftar mældust þessa viku sem eru færri en í síðustu viku þegar um 700 skjálftar mældust. Virknin var nokkuð dreyfð um landið en helst ber að nefna skjálftann sem varð í Bárðarbungu þann 21.apríl en hann mældist 5.4 að stærð. Stórir skjálftar eru algengir í Bárðarbungu en þetta er stærsti skjálfti frá því að eldsumbrotunum lauk í Holuhrauni 2015. Áframhaldandi smáskjálftavirkni var einnig í Bárðarbungu eins og sést hefur síðustu vikur.

Eldgosið sem hófst 16. mars á Sundhnjúksgígaröð stendur enn yfir, en virkni er bundin við einn gíg.

Nánar er fjallað um jarðhræringarnar nærri Grindavík í fréttá forsíðu sem er uppfærð reglulega.

Nánar má skoða skjálftavirkni hér: SkjálftaLísa

Lesa meira

Jarðskjálftayfirlit viku 15, 8. - 14. apríl 2024

Tæplega 700 skjálftar mældust þessa viku. Það eru nokkuð fleiri skjálftar en í síðustu viku, en svipað og í meðal viku á þessu ári þegar ekki hafa verið kvikuhlaup.

Virkni sem er helst vert að nefna þessa viku er skjálftahrina í sunnanverðu Kleifarvatni og smáskjálftahrina rétt norðvestan við Grindavík sem talin er tengjast spennubreytingum vegna áframhaldandi landriss í Svartsengi.

Enn er nokkur smáskjálftavirkni í Bárðarbungu eins og sést hefur síðustu vikur.

Einnig var smá virkni á Reykjaneshrygg, um 90km úti fyrir Reykjanestá.

Stærsti skjálfti vikunnar á landinu var 3,3 að stærð, í sunnanverðu Kleifarvatni kl 10 að morgni 13. apríl og fannst hann víða á SV horninu.

Eldgosið sem hófst 16. mars á Sundhnjúksgígaröð stendur enn yfir, en virkni er bundin við einn gíg.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira

Jarðskjálftayfirlit viku 14, 1. - 7. apríl 2024

Rúmlega 450 skjálftar mældust á landinu í fjórtándu viku ársins og hafa um 430 verið yfirfarnir. Er þetta nokkuð minni virkni en í fyrri viku þegar um 570 skjálftar mældust.

Virkni var nokkuð dreifð um land allt. Stærsti skjálftinn mældist 2,9 í Bárðarbungu 7. apríl.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira