Leiðbeiningar um notkun hafísþéttleikakorta frá OSI-SAF
- Hafísþéttleikakortið byggir á gögnum sem unnin eru af haf- og hafís-verkefnishópi EUMETSAT, svonefndum OSI-SAF Sea Ice Concentration hópi .
- Kortið sýnir áætlað hlutfall (sem kallast þéttleiki) af yfirborði sem er þakið hafís. Blár litur gefur til kynna lægri þéttleika og hvítari litur hærri þéttleika. Fjólublá svæði eru undir 20% í þéttleika og geta innihaldið dreifðan hafís á því bili.
- Gögnin eru unnin úr örbylgjumyndum frá sérstöku mælitæki (Special Sensor Microwave/Imager eða SSM/I) sem er um borð í bandarískum veðurtunglum (svonefndum Defence Meteorological Satellites).
- Kortið er framleitt einu sinni á sólarhring úr uppsöfnuðum gögnum frá deginum áður. Nýtt kort er yfirleitt tilbúið klukkan 5 á morgnana.
- Kortið sýnir reiti sem eru um 100 ferkílómetrar að stærð, en raunveruleg skerpa er einungis um 2500km (50km á kant).
- Upplausnin nægir því ekki til að sjá einstakar hafísspangir eða jaka.
- Því miður er nákvæmni OSI-SAF hafísupplýsinganna enn sem komið er ekki nægilega mikil. Gæðamat hjá OSI-SAF hefur sýnt að um 70-85% af gildum eru innan við 20 prósentustig frá raunverulegum þéttleika.
- Gera skal ráð fyrir að hafísþéttleiki í kortinu geti verið að minnsta kosti 20 prósentustigum frá raunveruleikanum. Fyrir sjófarendur er þetta sérstaklega hvimleitt á svæðum sem liggja nærri hafísröndinni.
- Sjófarendum er ráðlagt að gæta fyllstu varkárni þegar kortið er notað til að draga ályktanir um auð svæði til siglinga. Hliðsjón af öllum öðrum fáanlegum upplýsingum er mikilvæg.
Frekari upplýsingar má fá á eftirfarandi vefsíðum:
Dr. Ingibjörg Jónsdóttir jarðfræðingur
