Mengun

Veðurstofan vaktar ekki loftgæði í Reykjavík en það gerir Umhverfisstofnun.

Við bendum einnig á að Náttúrufræðistofnun Íslands annast frjómælingar.

Fyrir utan að fylgjast með veðri og loftslagi stendur Veðurstofa Íslands að margvíslegri umhverfisvöktun annarri, einkum er varðar mengunarefni sem eru langt að komin. Sýnum er safnað á svokölluðum bakgrunnsstöðvum, fjarri þéttbýli og öðrum staðbundnum uppsprettum mengunar.

Daglegar mælingar á brennisteini í úrkomu, andrúmslofti og svifryki eru kostaðar af Veðurstofunni. Mælingar á þungmálmum og þrávirkum lífrænum efnum í lofti og úrkomu eru kostaðar af alþjóðafé.

Að auki veitir Veðurstofan mörgum alþjóðlegum og innlendum verkefnum brautargengi með aðstöðu til söfnunar og með vinnuframlagi. Þetta eru rannsóknir á gróðurhúsalofttegundum, ósoni, svifryki af hafi og landi, geislun, súrefnissamsætum í úrkomu o.fl.

Hafið, landið og lífríkið

Smáfuglar í Vestmannaeyjum. Ljósmynd: Pálmi Freyr Óskarsson

Frá vori til hausts árið 2010 var hér á vef Veðurstofunnar haldin dagbók um eldgosið í Eyjafjallajökli. Þann 4. júní, undir færslunni Öskufjúk, eru upplýsingar um tengla á helstu mengunarmælistöðvar á höfuðborgarsvæðinu og Suðurlandi.