• Viðvörun

    Mikilli úrkomu er spáð á á SA-landi, syðst á Austfjörðum og Ströndum fram yfir hádegi. Því má búast við vatnavöxtum í ám og lækjum á svæðinu.
Bárðarbunga

Bárðarbunga - GPS mælingar

Jarðskjálftar og láréttar færslur saman á kortum

Samanburður á færsluhraða GPS stöðva

Myndin ber saman færsluhraða á GPS stöðvum í nágrenni Bárðarbungu síðastliðinn mánuð (grænar örvar) við færsluhraða frá 21. september 2014 til dagsins í dag (bláar örvar).

Þetta er gert til þess að fylgjast með hraðabreytingum á færslum í átt að Bárðarbungu. Dagsetningin 21. sept. er valin vegna þess að þá er talið að færslur tengdar framrás kvikugangsins hafi hætt og að færslumerkin kringum Bárðarbungu, eftir það, tengist eingöngu sigi öskjunnar.

Stækkanleg mynd. Dagsetningar eru útskýrðar í myndatexta. Notkunarskilmálar, sjá neðst.

Dagsetningar má sjá í neðra vinstra horni (áááámmdd). Sem dæmi gefur tvöfalda dagsetningin 20141213 - 20150113 færsluhraða á tímabilinu 13. des. 2014 til 13. jan. 2015. Uppfært daglega.

Hreyfingar síðasta sólarhrings og síðustu þriggja daga

Skjálftarnir hafa mismunandi liti eftir því hve langt er liðið. Færslur mældar með GPS mælingum eru settar fram á tvenns konar hátt: Rauðu örvarnar sýna færslur gærdagsins og grænu örvarnar sýna heildarfærslu síðastliðna þrjá daga. Hringirnir í kringum örvarnar tákna óvissu í mælingum. Dagsetningar eru útskýrðar í myndatexta. Stækkanleg mynd. Notkunarskilmálar, sjá neðst.

Dagsetningar mælinga má sjá í neðra vinstra horni (áámmdd). Sem dæmi gefur tvöfalda dagsetningin 20140826 - 20140827 færslur sem áttu sér stað þann 26. ágúst 2014, frá miðnætti til miðnættis. Kort þetta er uppfært daglega. Einnig er hægt að keyra allar færslurnar í tímaröð frá upphafi viðburða.

Hreyfingar frá upphafi atburðanna

Skjálftarnir hafa mismunandi liti eftir því hve langt er liðið frá því skjálftarnir mældust. Heildarfærslur mældar með GPS landmælingum eru merktar með svörtum örvum. Hringirnir í kringum örvarnar tákna óvissu í mælingum. Sjá einnig umfjöllun um upphafsdaga hér undir. Stækkanleg mynd. Notkunar-skilmálar, sjá neðst.

Athuga þarf, að fyrstu mælingar hefjast 14. ágúst en síðustu mælingar 29. ág, sjá upphafsdagsetningu hverrar stöðvar í töflu. Heildarfærslur eru reiknaðar frá upphafsdegi mælinga á hverri stöð fyrir sig.

Notkunarskilmáli

GPS færslur sem sýndar eru á þessari síðu eru úr frumúrvinnslu, þ.e.a.s. óyfirförnum gögnum Veðurstofunnar og annarra. Þeir sem hyggjast nota þessar niðurstöður í greinaskrifum skal hafa samband við eða JHÍ. Færslur geta breyst við nánari yfirferð gagnanna. Vitna skal til uppruna gagnanna í allri notkun:

"Frumúrvinnsla gagna, GPS hópur Veðurstofu Íslands, Jarðvísindastofnunar Háskóla Íslands og GNS Science." - Einnig skal geta þeirrar dagsetningar þegar gögnin eru sótt.

Frekari upplýsingar um notkun gagna á vef Veðurstofunnar eru á sérstakri vefsíðu.



Aðrir tengdir vefir



Þetta vefsvæði byggir á Eplica