Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Norðlæg átt 5-13 m/s. Dálítil él um landið norðanvert og hiti 0 til 5 stig. Bjart með köflum sunnantil með hita að 13 stigum.
Gengur í austan 8-15 m/s á morgun, en 18-23 syðst. Lengst af rigning á sunnanverðu landinu. Rigning eða slydda á norðurhelmingi landsins seinnipartinn og snjókoma á heiðum og til fjalla. Hiti 1 til 8 stig, mildast syðra.
Spá gerð: 18.05.2024 09:52. Gildir til: 20.05.2024 00:00.
Veðurhorfur á landinu næstu daga
Á mánudag (annar í hvítasunnu):
Suðlæg átt 3-10 m/s, en austan 8-15 við norðurströndina fram eftir morgni. Rigning með köflum víða um land. Bjart með köflum en stöku skúrir suðvestanlands. Hiti 3 til 10 stig.
Á þriðjudag og miðvikudag:
Suðlæg eða breytileg átt 3-10 og dálítil væta með köflum. Hiti 4 til 10 stig.
Á fimmtudag:
Norðlæg eða breytileg átt og dálítil rigning en styttir upp sunnanlands. Hiti 2 til 10 stig, mildast sunnan heiða.
Á föstudag:
Útlit fyrir vaxandi suðaustanátt. Þykknar upp og fer að rigna sunnan- og vestanlands seinnipartinn. Hiti 8 til 13 stig.
Spá gerð: 18.05.2024 08:31. Gildir til: 25.05.2024 12:00.
Hugleiðingar veðurfræðings
Grunn lægð skammt norðaustur af Langanesi dregur dálítinn norðanstreng með svölu lofti yfir okkur. Lítilsháttar snjó- eða slydduél norðanlands fram eftir degi, en bjart með köflum syðra.
Á morgun nálgast ný lægð úr suðvestri og það gengur væntanlega í austan storm syðst á landinu, en víða stinningskalda eða allhvassan vind annars staðar. Lægðinni fylgir úrkoma sem kemur fyrst á land á sunnanverðu landinu og fer fljótt yfir í rigningu þar. Eftir hádegi breiðist úrkoman norður yfir heiðar, ýmist rigning eða slydda. Þá er útlit fyrir snjókomu á heiðum og til fjalla á Norður- og Austurlandi og ferðalangar ættu að hafa það í huga, t.d. þeir sem þurfa um fjallvegi Austfjarða, eða yfir Mývatns- og Möðrudalsöræfi.
Á mánudag, annan í hvítasunnu er spáð minnkandi sunnanátt með lítilsháttar vætu í flestum landshlutum og mildara veðri.
Spá gerð: 18.05.2024 06:40. Gildir til: 19.05.2024 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica