Textaspá - Yfirlit
Hugleiðingar veðurfræðings
Nú er lægð stödd fyrir vestan land og hreyfist hún lítið sem ekkert í dag og á morgun. Hún beinir til okkar suðlægri átt, víða á bilinu 5-10 m/s með skúrum. Loftmassinn yfir landinu er svalur og óstöðugur og því ætti ekki að koma að óvart þó sumir skúrirnir verði á formi slydduélja, þ.e. að það sjáist hvítt með í úrkomunni. Á norðaustanverðu landinu ætti að vera þurrt og bjartir kaflar á þeim slóðum.
Á þriðjudag er svipað veður í kortunum áfram, suðvestanátt með skúrum eða slydduéljum, en þurrt norðaustantil.
Spá gerð: 05.05.2024 06:44. Gildir til: 06.05.2024 00:00.
Veðuryfirlit
Um 500 km V af Reykjanesi er 995 mb lægð sem hreyfist lítið.
Samantekt gerð: 05.05.2024 03:18.
Veðurhorfur á landinu
Suðlæg átt, víða á bilinu 5-10 m/s og skúrir eða slydduél, en bjart með köflum á norðaustanverðu landinu. Hiti 4 til 10 stig yfir daginn.
Spá gerð: 05.05.2024 05:17. Gildir til: 06.05.2024 00:00.
Veðurhorfur á höfuðborgarsvæðinu
Hæg suðlæg átt, en 5-10 m/s seinnipartinn og allan morgundaginn. Skúrir eða jafnvel slydduél. Hiti 3 til 9 stig.
Spá gerð: 05.05.2024 05:08. Gildir til: 06.05.2024 00:00.
Veðurhorfur á landinu næstu daga
Á mánudag og þriðjudag:
Sunnan og suðvestan 5-13 m/s og skúrir eða slydduél, en bjartviðri á norðaustanverðu landinu. Hiti 3 til 10 stig að deginum.
Á miðvikudag:
Vestan 5-13 og lítilsháttar skúrir eða slydduél, en léttskýjað austantil á landinu. Hiti breytist lítið.
Á fimmtudag (uppstigningardagur):
Hæg breytileg átt og víða þurrt og bjart veður. Hiti 6 til 12 stig yfir daginn.
Á föstudag og laugardag:
Suðaustlæg átt og væta með köflum, en þurrt að kalla norðanlands. Hlýnar heldur í veðri.
Spá gerð: 04.05.2024 21:24. Gildir til: 11.05.2024 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
