Snjóflóð - viðbrögð

Snjóflóð - viðbrögð

Efnið á þessari síðu er fengið af vef almannavarnadeildar ríkislögreglustjóra 10.01.2007 með góðfúslegu leyfi. Sjá einnig bækling sem Landsbjörg gaf út, Snjóflóðahætta (pdf 0,5 Mb).

Að verða fyrir snjóflóði

Sá sem lendir í snjóflóði skal:

Sundtök

  • Reyna eftir fremsta megni að halda sér upp úr flóðinu með því að taka sundtökin.

Öndunarvegur

  • Halda fyrir vit sín og reyna að koma í veg fyrir að þau fyllist af snjó ef borist er stjórnlaust með snjóflóðinu.

Snjóflóð stöðvast

  • Hreyfa sig eftir fremsta megni þegar snjóflóðið tekur að stöðvast til að búa til rými til öndunar og hreyfingar.

Haltu ró þinni

  • Haltu ró þinni. Ekki reyna að kalla á hjálp, fyrr en heyrist vel í leitamönnum. Mundu að þú heyrir betur í leitarmönnum en þeir í þér.

Björgun berst

  • Trúin um að vera bjargað eykur lífslíkur til muna.


Að sjá einhvern lenda í snjóflóði

Ef þú sérð einhvern lenda í snjóflóði, skaltu:

Staðsetja

  • Miðaðu út þann stað, þar sem þú sást viðkomandi hverfa í snjóflóðið. Notaðu kennileiti til að miða út staðinn.

Tryggðu öryggi þitt

  • Gættu vel að öryggi þínu, annað snjóflóð gæti fallið í farveg hins eða umhverfis það.

Tilkynning

  • Tilkynntu um slysið tafarlaust til 112.

Skyndikönnun

  • Ef engin hætta er talin á öðru snjóflóði skaltu tafarlaust hefja leit í yfirborði flóðsins, en þar má oft finna vísbendingar um hvar hinn grafni liggur.

Hjálpartæki

  • Notaðu hjálpartæki, ef þau eru til staðar, svo sem snjóflóðarstangir, rafmagnsrör, hrífusköft, skíðastafir eða þess háttar. Stingið þeim lóðrétt niður til að kanna fyrirstöðu. Ef hundur er til staðar skaltu láta hann hjálpa þér við leitina.

Fyrstu leitarstaðir

  • Fyrst í stað skaltu einskorða leitina við þá staði þar sem hraða- eða stefnubreyting hefur orðið á flóðinu, svo sem við kletta, beygjur, vegkanta o.þ.h. Einnig skal leita neðst í tungu flóðsins og upp eftir skriðu.




Aðrir tengdir vefir



Ekkert skjal tengt
Þetta vefsvæði byggir á Eplica