• Viðvörun

    Hraungos í Holuhrauni.
  • Viðvörun

    Í kvöld og nótt má búast við gasmengun norðaustur af eldstöðinni. Meira
Viðbúnaður og rýmingaráætlanir

Rýmingaráætlanir

Samkvæmt breyttum lögum um varnir gegn snjóflóðum og skriðuföllum, sem samþykkt voru á Alþingi í desember 1995, ber Veðurstofu Íslands að gefa út viðvaranir um staðbundna snjóflóðahættu. Skal þá rýma húsnæði á reitum sem tilgreindir eru í viðvörun Veðurstofunnar. Veðurstofan hefur, í samráði við heimamenn, gert sérstök kort af þéttbýlisstöðum landsins þar sem talin er snjóflóðahætta og byggja rýmingaráætlanir staðanna á þessum kortum.

Rýmingaráætlun fyrir bæjarfélag felst í fyrsta lagi í reitaskiptu rýmingarkorti, í öðru lagi greinargerð Veðurstofu Íslands um snjóflóðaaðstæður og síðast en ekki síst áætlun almannavarnanefndar staðarins um það hvernig staðið er að rýmingu þegar tilkynning um slíkt berst frá Veðurstofunni. Áætlun þessa vinna almannavarnanefndir staðanna í samráði við Almannavarnir ríkisins á grundvelli rýmingarkortanna.

Rýmingarkort

Endurskoðuð rýmingarkort hafa verið unnin af snjóflóðavakt Veðurstofunnar. Fyrri rýmingaráætlun var borin saman við fyrirliggjandi hættumat og gerðar breytingar til samræmis við hættumatið þar sem tilefni var til. Einnig var rýmingaráætluninni breytt þar sem reist hafa verið varnarvirki. Lýsing í rýmingargreinargerð á landfræðilegum aðstæðum og aðstæðum sem leiða til snjóflóðahættu var samræmd hliðstæðum lýsingum í hættumatsskýrslum. Endurskoðuð rýmingarkort og rýmingargreinargerð voru kynntar almannavarnanefnd, bæjarstjórn og öðrum sem að málinu koma og endanleg útgáfa kortsins og greinargerðarinnar staðfest af umhverfisráðherra og gefin út. Rýmingargreinargerðirnar og rýmingarkortin verða almenningi aðgengileg á ytri vef Veðurstofunnar innan tíðar.

Siglufjörður Ólafsfjörður Seyðisfjörður Neskaupsstaður Eskifjörður Fáskrúðsfjörður Ólafsvík Patreksfjörður Tálknafjörður Bíldudalur Þingeyri Súðavík Ísafjörður Bolungarvík Flateyri Suðureyri Íslandskort með tilvísunum í rýmingaráætlanir

Yfirlitsgreinargerð um rýmingu húsnæðis vegna snjóflóðahættu



Aðrir tengdir vefir