Um Veðurstofu Íslands
Veðurstofa Íslands er opinber stofnun í eigu íslenska ríkisins og heyrir undir yfirstjórn umhverfisráðherra. Stofnunin starfar samkvæmt lögum nr. 70, 2008.
Veðurstofa Íslands heyrir undir umhverfisráðuneytið.
Viðfangsefni Veðurstofu Íslands eru eðlisþættir jarðarinnar: Loft, vatn, snjór og jöklar, jörð og haf. Unnið er að fjölbreyttum verkefnum sem tengjast meðal annars veðri, hafís, mengun, loftslagsbreytingum, ofanflóðum, jarðskjálftum, eldvirkni, hniki á yfirborði jarðar, vatnafari, jöklabúskap, hlaupum og flóðum.
Hlutverk stofnunarinnar er öflun, varðveisla, úrvinnsla og miðlun upplýsinga. Miðlunin er á formi tímaraða og korta, spáa, viðvarana, hættumats og almennra ráðlegginga. Þetta varðar samfélagslegt öryggi gagnvart náttúruvá og sjálfbæra nýtingu auðlinda.
Hér er hægt að kynna sér skipurtit Veðurstofunnar, verkefni sviða og deilda.
Hér eru birt ýmis ágrip af sögu Veðurstofu Íslands, sjá vefflokka til vinstri.
