2009
Jarðskjálfti 6,1 að stærð við Jan Mayen
Jarðskjálfti norðaustur af Jan Mayen
Í morgun kl. 06:35 varð jarðskjálfti af stærðinni 6,1 um 330 kílómetra norðaustur af Jan Mayen eða 880 kílómetra í norðnorðaustur frá Fonti á Langanesi.
Þessi skjálfti var litlu minni en jarðskjálftinn sem varð 29. maí 2008 í Ölfusi. Ólíklegt er að skjálfti á Mið-Atlantshafshryggnum valdi flóðbylgju.
Veðurstofa Íslands er þátttakandi í evrópsku samstarfsverkefni (TRANSFER) um rannsóknir til að efla skilning á upptökum og orsökum flóðbylgna (tsunami).
Unnið er að því að fá rauntímagögn frá jarðskjálftamælum umhverfis Norður Atlantshafið til þess að flýta fyrir ákvörðunum um stærð og staðsetningu jarðskjálfta sem verða á þessu svæði.
