Laus störf
Veðurstofa Íslands er opinber stofnun og heyrir undir umhverfis- og auðlindaráðuneytið. Hjá stofnuninni starfa um 130 manns með fjölbreytta menntun og starfsreynslu sem spannar mörg fræðasvið. Auk þess starfa um 120 manns við athugana- og eftirlitsstörf víðsvegar um landið.
Viðfangsefni Veðurstofu Íslands eru eðlisþættir jarðarinnar: Loft, vatn, snjór og jöklar, jörð og haf. Hlutverk stofnunarinnar er öflun, varðveisla, úrvinnsla og miðlun upplýsinga. Starfsemin fer fram á fjórum sviðum: Eftirlits- og spásviði, Athugana- og tæknisviði, Úrvinnslu- og rannsóknasviði, og Fjármála- og rekstrarsviði.
Laus störf á vegum ríkisstofnana eru auglýst á Starfatorgi. Þrjú störf eru laus til umsóknar hjá Veðurstofunni um þessar mundir:
Fagstjóri á sviði vatnafræði
Veðurstofa Íslands auglýsir eftir fagstjóra í vatnafræði í fullt starf á Úrvinnslu- og rannsóknarsviði. Spennandi, krefjandi og fjölbreytt framtíðarstarf er í boði.
Á Úrvinnslu- og rannsóknasviði Veðurstofu Íslands starfa rúmlega 40 manns m.a. við ýmis spennandi þróunar- og rannsóknarverkefni er tengjast veður- og loftslagsrannsóknum, jökla- og vatnafræði, jarðskorpuhreyfingum og ofanflóðum.
Helstu verkefni
Yfirumsjón og samræming verkefna er tengjast vatnarannsóknum, þar með talið umsjón með áætlanagerð, stefnumótun og gæðamálum í málaflokknum. Verkefnisstjórn skilgreindra verkefna. Sérfræðivinna tengd vatna- og auðlindarannsóknum, með sérstakri áherslu á grunnvatnsrannsóknir.
Menntunar- og hæfniskröfur
- Háskólapróf og framhaldsmenntun á sviði raunvísinda og/eða verkfræði
- Farsæl reynsla í verkefnastjórnun nauðsynleg
- Hæfni í mannlegum samskiptum
- Skipulögð og fagleg vinnubrögð í starfi
- Farsæl reynsla í rannsóknarvinnu með sérstakri áherslu á vatnafræði og vatnajarðfræði
- Frumkvæði og faglegur metnaður
- Hæfni til að vinna sjálfstætt sem og í teymisvinnu
- Færni og áhugi á að miðla niðurstöðum innan teymis og út á við
- Góð færni í íslensku og ensku nauðsynleg
- Þekking og/eða reynsla af opinberri stjórnsýslu nauðsynleg
- Farsæl reynsla af erlendu samstarfi æskileg
Upplýsingar
Um er að ræða fullt starf og taka laun mið af kjarasamningum ríkisins og viðeigandi stéttarfélags. Nánari upplýsingar um starfið veita Jórunn Harðardóttir framkvæmdastjóri (jorunn@vedur.is) og Borgar Ævar Axelsson mannauðsstjóri (borgar@vedur.is) í síma 522 6000.
Umsækjendur eru vinsamlega beðnir um að sækja um starfið á ráðningarvef eða á Starfatorgi. Umsóknarfrestur er til og með 27. maí nk.
Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni munu taka mið af þessum gildum.
Sérfræðingur á sviði vatna- og straumfræði
Veðurstofa Íslands auglýsir eftir sérfræðingi í vatna- og straumfræði í fullt starf á Úrvinnslu- og rannsóknarsviði. Í boði er spennandi, krefjandi og fjölbreytt framtíðarstarf.
Á Úrvinnslu- og rannsóknasviði Veðurstofu Íslands starfa rúmlega 40 manns m.a. við ýmis spennandi þróunar- og rannsóknarverkefni er tengjast veður- og loftslagsrannsóknum, jökla- og vatnafræði, jarðskorpuhreyfingum og ofanflóðum.
Helstu verkefni
Vinna við faglega þróun vatnafræðilegrar líkangerðar, bæði hvað varðar aðferðafræði og úrvinnslu og tengingu líkana við aðrar afurðir. Leiðandi hlutverk í tímaraðaúrvinnslu, úrvinnslu vatnafræðigagna og skýrslugerð. Verkefnisstjórn skilgreindra verkefna. Sérfræðivinna við gerð straumfræðilegra líkana. Þátttaka í mótun stefnu í vatnafarsrannsóknum og -mælingum.
Menntunar- og hæfniskröfur
- Háskólapróf og framhaldsmenntun á sviði raunvísinda og/eða verkfræði
- Farsæl reynsla í vatna- og straumfræðirannsóknum
- Hæfni í mannlegum samskiptum
- Hæfni til að vinna sjálfstætt sem og í teymisvinnu
- Færni og geta til að miðla niðurstöðum innan teymis og út á við
- Skipulögð og fagleg vinnubrögð í starfi
- Frumkvæði og faglegur metnaður
- Góð tölvukunnátta, þ.á m. forritunarkunnátta
- Góð kunnátta í landupplýsingakerfum (LUK)
- Góð færni í íslensku og ensku nauðsynleg
- Farsæl reynsla í verkefnastjórnun er kostur
Upplýsingar
Um er að ræða fullt starf og taka laun mið af kjarasamningum ríkisins og viðeigandi stéttarfélags.
Nánari upplýsingar um starfið veita Jórunn Harðardóttir framkvæmdastjóri (jorunn@vedur.is) og Borgar Ævar Axelsson mannauðsstjóri (borgar@vedur.is) í síma 522 6000.
Umsækjendur eru vinsamlega beðnir um að sækja um starfið á ráðningarvef eða á Starfatorgi. Umsóknarfrestur er til og með 27. maí nk.
Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni munu taka mið af þessum gildum.