Sérfræðingur í eldfjallagasi - Vöktun eldfjalla

Veðurstofa Íslands leitar að sérfræðingi á sviði eldfjallagass og vöktunar á eldfjallavá í andrúmslofti. Um er að ræða fullt starf á þjónustu- og rannsóknasviði innan deildar eldvirkni, jarðskjálfta og jarðhniks. Leitað er að einstaklingi sem mun taka þátt í teymisvinnu við vöktun eldfjalla og til að bregðast við eldgosum, auk þess að efla langtímaeftirlit með eldfjöllum á Íslandi og taka þátt í hættumatsgerð og rannsóknarverkefnum.

Veðurstofa Íslands er opinber stofnun sem er ábyrg fyrir eftirliti með náttúruvá á landsvísu og að veita upplýsingar og viðvaranir um yfirvofandi náttúruvá. Frá árinu 2011 hefur Veðurstofan formlega gegnt hlutverki eftirlitsaðila með eldfjöllum (State Volcano Observatory).

Helstu verkefni og ábyrgð

• Þátttaka í fjartengdum og beinum gasmælingum á ýmsum eldstöðvum á Íslandi

• Túlkun á gasmælingum

• Framsetning á gasmæligögnum og viðvörunum byggðum á gasmælingum fyrir mannaða sólarhringsvöktun á náttúruvá

• Innlent og erlent samstarf í eldfjallaeftirliti

• Miðlun upplýsinga til ýmissa hagsmunaaðila, t.d. almannavarna, flugmálayfirvalda, orkuiðnaðarins og fjölmiðla

• Þátttaka í verkefnum sem tengjast hættumati og rannsóknum

Hæfniskröfur

• Að lágmarki MS-gráða í jarðefnafræði, jarðeðlisfræði eða skyldum greinum

• Sérfræðiþekking á eldfjallagasi og vöktun á eldfjallavá í andrúmslofti

• Farsæl reynsla af gagnaúrvinnslu, framsetningu gagna og túlkun

• Reynsla af gasmælingum

• Þekking á eðlisfræði lofthjúps og ferlum tengdum gasdreifingu í andrúmslofti

• Færni í mannlegum samskiptum og hæfni til að vinna sjálfstætt og í þverfaglegri teymisvinnu

• Öguð og skipulögð vinnubrögð

• Gott vald á töluðu og rituðu máli helst bæði á íslensku og ensku

• Reynsla af tölulegri líkangerð er kostur

• Reynsla af hættumatsgerð er kostur

• Reynsla af efnavöktun er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni taka mið af þessum gildum.

Umsókninni þarf að fylgja starfsferilskrá og kynnisbréf þar sem gerð er grein fyrir ástæðu umsóknar og rökstuðningur fyrir hæfni í starfið.

Hvetjum fólk af öllum kynjum til að sækja um starf sérfræðings.

Starfshlutfall er 100%

Umsóknarfrestur er til og með 22.04.2024

Nánari upplýsingar veitir

Kristín Jónsdóttir, kristinj@vedur.is

Sími: 5226000

Borgar Ævar Axelsson, borgar@vedur.is

Sími: 5226000