Laus störf

Sérfræðingur í kerfisþróun/DevOps

á Upplýsingatæknisviði

Veðurstofa Íslands óskar eftir að ráða sérfræðing í DevOps til að sinna kerfisþróun, rekstri og viðhaldi á sérhæfðum miðlægum kerfum Veðurstofunnar.  Viðkomandi mun starfa á upplýsingatæknisviði.

„Framsækni og áreiðanleiki“ eru tvö af gildum Veðurstofu Íslands og endurspeglast þau í víðtæku starfsumhverfi upplýsingatæknisviðs. Sviðið sér um rekstur upplýsingatæknikerfa, notendaþjónustu, kerfisþróun, DevOps og hugbúnaðarþróun. Eins leggur upplýsingatæknisvið til sérfræðiþekkingu og ráðgjöf á vettvangi upplýsingatækni sem styður við hlutverk Veðurstofu Íslands sem sinnir eftirliti og rannsóknum á náttúru Íslands. Á sviðinu starfa að jafnaði um 18 starfsmenn.

Meginhlutverk

Sérfræðingur í DevOps er hluti af teymi sem vinnur markvisst að því að einfalda og bæta rekstur á núverandi hugbúnaði og kerfum sem tengjast ólíkum fagsviðum Veðurstofunnar.  Meðal verkefna er að taka við hugbúnaðarkerfum úr þróun og setja í rekstur. DevOps tekur að auki þátt í þróunarvinnu með það að markmiði að tryggja rekstrarþætti hugbúnaðarlausnar/kerfis, ásamt því að sinna  aðlögun minni hugbúnaðarlausna að þörfum Veðurstofunnar.

Menntun og hæfniskröfur

  • Háskólamenntun á sviði tölvunar- eða kerfisfræði
  • Farsæl reynsla af hugbúnaðar- og kerfisþróun
  • Farsæl reynsla í Linux umhverfi
  • Þekking og reynsla af helstu forritunarmálum s.s. Python, JavaScript
  • Reynsla af innleiðingu sjálfvirkra prófana og eftirlits er kostur
  • Reynsla af stöðugri framteflingu og sýndarumhverfum (s.s. Gitlab CI/CD, Docker, VMWare, Kubernetes)
  • Reynsla af  notkun, uppsetningu og rekstri gagnagrunnskerfa (s.s PostgreSQL, DB2) er kostur
  • Þekking á uppbyggingu og arkitektúr netinnviða er kostur
  • Hæfni í samskiptum og teymisvinnu
  • Lausnamiðuð nálgun á verkefni
  • Gott vald á íslensku og ensku

Spennandi verkefni á sviði vöktunar og rannsókna á náttúru Íslands

Hjá Veðurstofu Íslands starfar öflugur hópur fólks sem hefur það hlutverk að stuðla að bættu öryggi almennings, eigna og innviða gagnvart öflum náttúrunnar. Því hlutverki sinnir starfsfólk Veðurstofunnar með vöktun lofts, láðs og lagar, byggðri á öflun og greiningu gagna, rannsóknum, þróun og miðlun upplýsinga. Jafnframt er það hlutverk Veðurstofunnar að styðja við sjálfbæra nýtingu náttúrunnar og samfélagslega hagkvæmni.

Gildi Veðurstofunnar eru þekking, áreiðanleiki, framsækni og samvinna. Ráðningar hjá stofnuninni munu taka mið af þessum gildum

Nánari upplýsingar

Nánari upplýsingar um starfið veitir Gunnar Kristinn Vilbergsson, hópstjóri þróunar og DevOps (gkv@vedur.is) og Borgar Ævar Axelsson, mannauðsstjóri (borgar@vedur.is), í síma 522 6000.

Umsækjendur eru vinsamlega beðnir um að sækja um starfið á www.starfatorg.is.

Í báðum tilfellum er um að ræða fullt starf og taka laun mið af kjarasamningum ríkisins og viðeigandi stéttarfélags.

Umsóknarfrestur starfanna er til og með 8. febrúar nk.


Nýjar fréttir

Áfram þarf að gera ráð fyrir að gos geti brotist út

Uppfært 08.03. kl. 16.00

Vísindaráð almannavarna fundaði á fjarfundi í dag til að ræða jarðskjálftahrinuna á Reykjanesskaga. Áfram er talið að ef til goss kemur yrði það á sprungu einhversstaðar á því svæði sem afmarkast af Fagradalsfjalli og Keili þar sem kvikugangurinn er að myndast. Engar vísbendingar eru um kvikuhreyfingar fyrir utan þetta svæði.

Lesa meira

Tíðarfar í febrúar 2021

Febrúar var hagstæður, vindur hægur og illviðri fátíð. Mánuðurinn var hlýr og snjóléttur á Suðvesturlandi á meðan svalara var norðaustanlands. Hiti var þó allstaðar yfir meðallagi áranna 1991 til 2020. Austlægar áttir voru ríkjandi í mánuðinum. Það var tiltölulega þurrt á landinu vestanverðu en úrkomusamara austanlands.


Lesa meira

Ársfundur EUROVOLC samstarfsverkefnisins hófst í dag

Í dag hófst ársfundur alþjóðlega EUROVOLC samstarfsins. EURopean Network of Observatories and Research Infrastructures for VOLCanology er samstarfsvettvangur fjölda sérfræðinga í jarðvísindum frá níu Evrópulöndum, en verkefnið hófst í byrjun árs 2018 og mun standa fram í lok nóvember á þessu ári. Fundurinn er allur rafrænn. EUROVOLC er víðtækt samstarfsverkefni í eldfjallafræði, styrkt af Innviðaáætlun Horizon 2020 rammaáætlunar Evrópusambandsins. Verkefnið tekur til 19 samstarfsaðila þar af eru þrír á Íslandi. Veðurstofa Íslands leiðir verkefnið og helstu samstarfsaðilar í verkefninu eru Eldfjalla- og Jarðeðlisfræðistofnun Ítalíu (INGV) í Cantania, á Sikiley og Jarðvísindastofnun Háskólans.

Lesa meira

Alþjóðlegur dagur kvenna og stúlkna í vísindum

Í dag, 11. febrúar, fögnum við á Veðurstofunni alþjóðlegum degi kvenna og stúlkna í vísindum. Sameinuðu þjóðirnar settu þennan dag á laggirnar árið 2016 til að vekja athygli á mikilvægi þess að auka þátttöku kvenna og stúlkna í vísindum. Á Veðurstofunni starfar stór hópur kvenna við vöktun og rannsóknir á náttúruöflunum. Menntun þeirra og viðfangsefni eru nánast jafn fjölbreytt og náttúra Íslands, en náttúran mun áfram krefjast mikils af vísindum framtíðarinnar og þannig veita stúlkum ómæld og áhugaverð tækifæri til að mennta sig og starfa á þessu mikilvæga sviði vísindanna.

Lesa meira

Vatnshæð við brúna yfir Jökulsá á Fjöllum hefur farið lækkandi síðustu daga

Uppfært 08.02. kl. 15.30

Vatnshæð við brúna yfir Jökulsá á Fjöllum hefur farið lækkandi síðustu daga. Myndir af árfarveginum ofan við brúna sýna að opið rennsli vatns hefur aukist og á radarmyndum eru vísbendingar um að krapaþekjan sé að þynnast. Því er talið að líkur á krapahlaupi líkt og það sem varð 26. janúar hafi farið mjög minnkandi.  Því hefur verið tekin ákvörðun í samráði við Vegagerðina að hleypa ótakmarkaðri umferð yfir brúna við Grímsstaði. Þó eru aðstæður í ánni stöðugt vaktaðar og brugðist við af aðstæður breytast.

Lesa meira




Aðrir tengdir vefir



Þetta vefsvæði byggir á Eplica