Fréttir
Svinafellsjoll
Svínafellsjökull 1993

Áhrif loftslagsbreytinga á Íslandi

28.3.2017

Ársfundur Veðurstofunnar verður haldinn á fimmtudaginn 30. mars. Þema fundarins er áhrif loftslagsbreytinga á Íslandi. Áhrif loftslagsbreytinga má finna víða á Íslandi. Í hafinu, í lífríkinu, á jöklunum og víðar greinum við breytingar, þó ekki í veðrinu segir Halldór Björnsson, hópstjóri veðurs og loftslagsrannsókna á Veðurstofunni og einn ræðumanna.

Veðurstofan hefur að þessu sinni fengið til liðs við sig sérfræðinga utan Veðurstofunnar til þess að fjalla um loftslagsmálin. Það eru þau Jón Ólafsson prófessor emeritus hjá Háskóla Íslands og Sólveig R. Ólafsdóttir, sérfræðingur hjá Hafrannsóknarstofnun, sem munu fjalla um súrnun sjávar hér og þar. Auður Magnúsdóttir, umhverfisstjórnunarfræðingur hjá VSÓ mun varpa ljósi á hækkaða sjávarstöðu á höfuðborgarsvæðinu, hvaða áhrif það kann að hafa og til hvaða aðgerða er unnt að grípa. Bjarni Diðrik Sigurðsson prófessor við Landbúnaðarháskóla Íslands ræðir loftslagsbreytingar og lífríki landsins. Að endingu mun Halldór Björnsson, hópstjóri veðurs og loftslagsrannsókna á Veðurstofunni fjalla um áhrif loftslagsbreytinga á Íslandi.

Dagskrá:

9.00     Ávarp

            Björt Ólafsdóttir, umhverfis- og auðlindaráðherra.

9.10     Veðurstofan  – stefnan sett 

             Árni Snorrason, forstjóri Veðurstofunnar

9.30     Súrnun sjávar hér og þar

            Jón Ólafsson, prófessur emeritus, Háskóla Íslands og

            Sólveig R. Ólafsdóttir, sérfræðingur, Hafrannsóknastofnun

9.55     Hækkuð sjávarstaða á höfuðborgarsvæðinu – áhrif og aðgerðir

            Auður Magnúsdóttir, umhverfisstjórnunarfræðingur M.Sc.

10.20  Loftslagsbreytingar og lífríki landsins

            Bjarni Diðrik Sigurðsson, prófessor við Landbúnaðarháskóla Íslands

10.45  Loftslagsbreytingar og áhrif þeirra á Íslandi

            Halldór Björnsson, hópstjóri veðurs og loftslags á Veðurstofu Íslands

11.15   Umræður

11.30   Fundarlok

svinafellsjokull

Svínafellsjökull 2006. Ljósmynd: Oddur Sigurðsson.

Ársfundurinn er opinn öllum og boðið er upp á morgunverð frá kl. 08:00. Gestir eru beðnir að skrá þátttöku svo áætla megi fjölda gesta. Vinsamlega sendið tölvupóst á skraning@vedur.is eða hringið í síma 522 6000.

Ársskýrsla Veðurstofunnar fyrir síðast ár kemur út í tengslum við fundinn.

Upptaka af fundinum.





Aðrir tengdir vefir



Þetta vefsvæði byggir á Eplica