Fréttir
mælingamaður á varnargarði við fljót

Vatnamælingar við Eyjafjallajökul

Rennsli mælt í Markarfljóti

1.5.2010

Vatnamælingar eru mikilvægur hluti af viðbrögðum við vá.

Sérfræðingar Veðurstofu Íslands hafa mælt rennsli og tekið sýni við Markarfljót af flóðum sem koma undan Gígjökli vegna bræðsluvatns frá eldgosinu í Eyjafjallajökli.

Vatnsrennsli frá Gígjökli jókst mjög þann 28. apríl en þá kom flóðgusa sem var sú stærsta síðan 16. apríl.

Vatnið í flóðinu var heitt og mældist vatnshitinn á sírita niðri við Markarfljótsbrú yfir 11°C.

Rennsli Markarfljóts var mælt tvisvar á gömlu brúnni:

Flóð sem kom kl. 11:30 niður Gígjökul mældist 250 m3/s á brúnni tveimur tímum síðar.

Bæði 28. og 29. apríl er talið að 130-150 m3/s hafi runnið frá Gígjökli sem er meira en dagana á undan. Rafleiðni í Krossá og Steinholtsá var há báða dagana.

Lýsingu á verkinu og ljósmyndir má skoða í meðfylgjandi fróðleiksgrein.





Aðrir tengdir vefir



Ekkert skjal tengt
Þetta vefsvæði byggir á Eplica