Fréttir
Eldgos í Heklu.

Að skrá sögu landsins með ljósmyndum. Hverjum ber að varðveita hana?

Erindi Odds Sigurðssonar á Hrafnaþingi Náttúrufræðistofnunar

10.11.2014

Oddur Sigurðsson, jöklafræðingur á Veðurstofu Íslands, mun flytja erindi á Hrafnaþingi miðvikudaginn 12. nóvember kl. 9:15.

Erindið er öllum opið og fjallar um varðveislu ljósmynda sem sýna breytingar á náttúru landsins og um það hvar ábyrgðin á varðveislu þessara mikilvægu gagna liggur.

Hrafnaþing er fyrirlestraröð Náttúrufræðistofnunar Íslands og er haldið í húsakynnum stofnunarinnar að Urriðaholtsstræti 6-8 í Garðabæ, í Krummasölum á 3. hæð.

Útdráttur erindis

Ísland er í jarðfræðilegu eðli sínu úthafsbotn og því frábrugðið  þorra annarra landa heimsins. Snýr það að eldvirkni, jarðskjálftum, landhæðarbreytingar, gliðnun landsins, jarðhita, landrofi, veðurfari og fleiru.

Að öllu þessu samanlögðu má ljóst vera að Ísland er ekki líkt öðrum löndum og breytist mun örar en annars staðar þekkist. Aðrir þættir, tengdir og ótengdir þeim sem ofan eru taldir, orka mjög á útlit landsins svo sem sjávarstöðubreytingar og jöklar að ekki sé talað um mannanna verk sem óðum setja mark sitt á landið.

Rannsóknum og skráningu á sérkennum Íslands verður ekki sinnt nema hér á landi. Einn mikilvægasti þáttur þeirra rannsókna er að skrá og varðveita sögu þess lands sem svo ört breytist. Er það bæði í þágu þjóðarinnar og svo mannkyns alls.

Ekki er óeðlilegt að sú ábyrgð falli menntamálaráðuneyti í skaut. Nauðsynlegt er að stjórnvöld finni þessum málaflokki fastan stað í kerfinu sem fyrst.





Aðrir tengdir vefir



Ekkert skjal tengt
Þetta vefsvæði byggir á Eplica