Snjóflóðasérfræðingur í Neskaupstað

Veðurstofa Íslands óskar eftir að ráða snjóflóðasérfræðing í fullt starf hjá deild snjóflóða og skriðufalla sem er á Þjónustu- og rannsóknasviði. Á deildinni starfa rúmlega 20 sérfræðingar við ýmis störf sem tengjast ofanflóðum, bæði við vöktun, rannsóknir og hættumat. Starfsfólk deildarinnar starfar á fjórum starfsstöðvum: Reykjavík, Ísafirði, Akureyri og Neskaupstað og einnig tilheyra deildinni snjóathugunarmenn sem eru staðsettir víða um land. Starfsstöð snjóflóðasérfræðingsins verður í Neskaupstað, en útibú Veðurstofunnar er í Múlanum - samvinnuhúsi, þar sem fjölmargar aðrar rannsóknarstofnanir og fyrirtæki eru einnig til staðar.

Veðurstofa Íslands er opinber stofnun sem heyrir undir Umhverfis-, orku- og loftslagsráðuneytið. Á Veðurstofunni starfa um 160 manns með fjölbreytta menntun og starfsreynslu sem spannar mörg fræðasvið vísinda og sérfræðiþekkingar. Auk þess starfa um 50 manns við athugana-og eftirlitsstörf víðsvegar um landið. 

Starfið felst í snjóflóðavöktun og tengdum þróunar- og rannsóknarverkefnum. Viðkomandi verður hluti af öflugu og samstilltu teymi sérfræðinga ofanflóðavöktunar Veðurstofunnar, sem er í nánu samstarfi meðal annars við snjóathugunarmenn og veðurfræðinga á vakt.

Helstu verkefni og ábyrgð

Sérfræðivinna við vöktun snjóalaga og veðurs á snjóflóðasvæðum. Öflun upplýsinga frá snjóathugunarmönnum og veðurfræðingum á vakt. Gerð snjóflóðaspáa og ráðgjöf er varðar snjóflóðavá. Vinna við þróunar- og rannsóknarverkefni sem tengjast snjóflóðavöktun.

Starfinu fylgir vaktavinna á álagstímum og þá sérstaklega yfir vetrartímann.

Hæfniskröfur

• Háskólapróf sem nýtist í starfi

• Framhaldsmenntun sem nýtist í starfi er kostur

• Reynsla af fjallaferðum nauðsynleg og þá sérstaklega að vetrarlagi

• Góð færni í íslensku og ensku og þá sérstaklega í rituðu máli

• Góð þekking á landafræði Íslands

• Geta til að vinna og taka ákvarðanir undir álagi og óvissum kringumstæðum

• Færni í mannlegum samskiptum

• Góð greiningarfærni

• Æskilegt er að viðkomandi hafi lokið snjóflóðanámskeiðum s.s. Level 1 hjá Kanadísku snjóflóðasamstökunum og/eða fagnámskeiði Landsbjargar

• Þekking og geta til að vinna við GIS kerfi, almenna forritun, líkanareikninga eða R-forritun er kostur

• Reynsla af greiningu flókinna gagna og nýtingu gervigreindar er kostur

• Skipulagshæfni og nákvæm vinnubrögð

Í gildum Veðurstofunnar er lögð áhersla á að vera áreiðanleg, samvinnufús og hugvitsöm. Ráðningartaka mið af þessum gildum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst.

Hvetjum fólk af öllum kynjum til að sækja um starfið.

Umsókninni þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Starfshlutfall er 100%

Umsóknarfrestur er til og með 26.03.2026

Nánari upplýsingar veitir

Harpa Grímsdóttir

Deildarstjóri

Tölvupóstur: harpa@vedur.is

Sími: 5226000

Hugrún Björk Hafliðadóttir

Mannauðssérfræðingur

Tölvupóstur: hugrun@vedur.is

Sími: 5226000