Fréttir
Frá afmælisfundi Veðurstofu Íslands 14.12.2010.
Vel heppnaður afmælisfundur
Veðurstofa Íslands 90 ára
Afmælisfundur Veðurstofu Íslands var haldinn á Hilton Reykjavík Nordica hótelinu hinn 14. desember 2010.
Um 150 manns sátu fundinn sem hófst með ávarpi umhverfisráðherra, Svandísar Svavarsdóttur. Síðan flutti Árni Snorrason ágrip úr sögu stofnunarinnar. Eftir það voru flutt sex erindi um loftslagsrannsóknir.
Síðan ávarpaði fundinn Ögmundur Jónasson samgönguráðherra og flutt voru fimm erindi um eldgosavöktun og eldgosarannsóknir.
Sveinbjörn Björnsson dró saman helstu niðurstöður fundarins og Árni Snorrason flutti lokaorð.
Að því loknu var móttaka í boði Veðurstofunnar.
Samantekt erinda sem flutt voru á fundinum er birt í sérstakri grein hér á vefnum.
