Nýjar fréttir

Vinna hafin við hættumat fyrir Svínafellsjökul

Fjöldi innlendra og erlendra sérfræðinga hélt erindi á ráðstefnu um framhlaup sem haldin var í Norræna húsinu í vikunni. Sérstök áhersla var lögð á Svínafellsheiði þar sem sprunga í berggrunni hefur uppgötvast og hætta er talin á framhlaupi. Á ráðstefnunni var meðal annars sagt frá reynslu norsku vatnafræðistofnunarinnar af vöktun óstöðugra fjallshlíða, en í Noregi eru sjö slík svæði talin sérlega varasöm og vöktuð nákvæmlega í rauntíma. Hafin er vinna við hættumat fyrir Svínafellsjökul, en í því felast nokkuð flóknir líkanreikningar og á vinnufundi í tengslum við ráðstefnuna ræddu íslenskir og erlendis líkansérfræðingar saman um þetta tilfelli.

Lesa meira

Frumkvöðull á sviði veðurathugana

Dagur íslenskrar tungu er haldinn í dag á fæðingardegi Jónasar Hallgrímssonar til að heiðra framlag hans til íslenskunnar. En ljóðskáldið var líka náttúruvísindamaður og færði okkur mörg góð orð á því sviði. Það er hins vegar ekki á allra vörum að Jónas Hallgrímsson var aðalhvatamaður þess að komið var upp þéttu hitamælaneti á Íslandi.

Lesa meira

Haustþing Veðurfræðifélagsins

Haustþing Veðurfræðifélagsins verður haldið í húsakynnum Veðurstofu Íslands í dag. Þema þingins er "Veður og orka". Erindin munu meðal annars fjalla um snjóhulu og orkubúskap, veður og bilanir í raflínum og veðurspár og endurnýjanlega orkugjafa.

Lesa meira

Nauðsynlegt að auka rannsóknir og vöktun á hættu af framhlaupum hérlendis

Veðurstofa Íslands, Háskóli Íslands og Norræna öndvegissetrið NORDRESS halda ráðstefnu um rannsóknir, vöktun og hættumat vegna berghlaupa.

Tilgangur ráðstefnunnar er að auka þekkingu á framhlaupum og viðbúnaði við hættu af þeirra völdum hér á landi og stuðla að umræðu og stefnumörkun um rannsóknir og vöktun á framhlaupahættu. Ráðstefnan verður haldin í Norrænahúsinu 13. nóvember.

Lesa meira

Tíðarfar í október 2018

Október var fremur svalur, hiti var undir meðallagi síðustu tíu ára um land allt. Tíð var þó nokkuð hagstæð. Úrkoma var víðast hvar yfir meðallagi.  

Lesa meira




Aðrir tengdir vefir



Ekkert skjal tengt
Þetta vefsvæði byggir á Eplica