Snjór í Reykjavík 28. nóvember 2015. Ljósmynd: Víðir Björnsson.

Jólasnjór í Reykjavík

Snjódýpt og snjóhula 1921 til 2015

Trausti Jónsson 19.12.2016

Á 95 ára tímabili frá 1921 til 2015 voru 43 jóladagar hvítir í Reykjavík. Í meðfylgjandi töflu má sjá snjóhulu og snjódýpt í Reykjavík kl. 9 að morgni 25. desember allt frá árinu 1921. Ef snjóhulan er 4/4-hlutar er jörð talin alhvít.

Á öðrum síðum er hægt að skoða Íslandskort sem sýna veður á hádegi á jóladag árin 1949-2008 .

Upplýsingar um jólasnjó í Reykjavík fyrir 1921 .

Eins og sjá má í töflunni hér að neðan teljast 43 jóladagar á þessu 95 ára tímabili alhvítir í Reykjavík. Athuga ber að miðað er við kl. 9 að morgni dags og getur snjóinn hafa tekið upp síðdegis í einhverjum tilvikum.

Þá ber einnig að hafa í huga að mælingar voru ekki gerðar á sama stað öll árin. Fyrstu árin fóru mælingar fram niðri í miðbæ þar sem Veðurstofan var til húsa. Um miðja síðustu öld var farið að mæla snjódýptina við Reykjavíkurflugvöll en árið 1973 fluttist Veðurstofan í núverandi húsnæði við Bústaðaveg og hafa mælingarnar verið gerðar þar síðan.

Mestur snjór var árin 1979-1982 og aftur 1984 og svo voru hvít jól 1990 og 1992-1995. Árið 1982 mældist mesta snjódýptin, 29 cm.