Spá um snjóflóðahættu - Eyjafjörður innanverður (tilraunaverkefni) 
-
fim. 01. maí
Lítil hætta -
fös. 02. maí
Lítil hætta -
lau. 03. maí
Lítil hætta
Snjór hefur sjatnað í dægursveiflu og sólríku veðri síðustu vikuna. Snjóþekjan er almennt talin nokkuð stöðug þó að votar spýjur geti fallið í hlýindum. Líkur á smá nýjum snjó hátt til fjalla á fimmtudag og föstudag.
Spáin er gerð fyrir stór landsvæði og þarf ekki að vera lýsandi fyrir snjóflóðahættu í byggð. Hún er einkum gerð með ferðafólk í fjalllendi í huga og tekur bæði til snjóflóða af mannavöldum og veðurtengdra snjóflóða.
Lagskipting snævar og snjóþekjan
Einhver nýr snjór getur safnast á fim/fös í hæstu fjöll. Eldri snjór hefur sjatnað í dægursveiflu og sólríku veðri undanfarið og er almennt talin nokkuð stöðug. Hlýindi og dægursveifla munu áfram hafa styrkjandi áhrif á snjóþekjunna en þó má búast við að vot snjóflóð geti fallið á hlíðum sem njóta sólar.
Nýleg snjóflóð
Smáspýjur og kögglahrun í sólinni.
Veður og veðurspá
S/SV átt á fimmtudag og litilsháttar rigning en snjókoma í hæstu fjöll. Hæg breytilega átt á fös og lau og milt veður. Ekki er búist við að mikill snjór safnist í þessari úrkomu fyrir helgi.
