Spá um snjóflóðahættu - Suðvesturhornið (tilraunaverkefni) 
-
fim. 25. feb.
Nokkur hætta -
fös. 26. feb.
Nokkur hætta -
lau. 27. feb.
Nokkur hætta
Lítlsháttar nýsnævi og óstöðugir vindflekar geta leynst í hæstu fjöllum, einkum inn til landsins. Eldri snjór er almennt einsleitur og nokkuð stöðugur eftir umhleypingar undanfarið. Jarðskjálftahrina á Reykjanesskaga gæti leyst snjóflóð úr læðingi. Hlýnar með rigningu á föstudag, og aftur á laugardag, og geta vot flóð fallið þá.
Snjóflóðavandi á svæðinu
-
Tegund
-
HæðOfan 500 m.
-
Viðhorf
-
Líkur
-
Stærð
Misgamlir vindflekar eru í suð- og vestlægum viðhorfum.
-
Tegund
-
HæðÖll hæðin
-
Viðhorf
-
Líkur
-
Stærð
Í rigningu og hlýindum á föstudag og laugardag.
Lagskipting snævar og snjóþekjan
Á þriðjudag snjóaði lítillega í austlægri átt og gætu vindflekar hafa myndast í vestlægum viðhorfum. Eldri snjór er einsleitur og almennt talinn stöðugur eftir umhleypingar undanfarið. Það geta þó verið vindflekar efst í fjöllum inn til landsins í suð- og vestlægum viðhorfum. Í snjógryfju sem var gerð í Botnssúlum 24.2. sýndi nokkuð óstöðugan vindfleka. Öflug jarðskjálftahrina á Reykjanesskaga gæti leyst snjóflóð úr læðingi. Hlýnar með rigningu upp í efstu fjöll á föstudag og aftur á laugardag. Þá gætu vot flóð fallið.
Nýleg snjóflóð
Engin snjóflóð hafa verið skráð nýlega á spásvæðinu, þrátt fyrir jarðskjálftahrinu. Á laugardag féll vott flóð af mannavöldum við Skessuhorn í Borgarfirði þegar nýr snjór rann á hjarni.
Veður og veðurspá
Hæg breytileg átt og að mestu þurrt á fimmtudag. Gengur í hvassa austanátt með hlýnandi veðri á föstudag. Slydda eða snjókoma í fyrstu en síðar rigning upp í efstu fjöll. Sunnanstormur með rigningu og hlýju veðri á laugardag.
