Jarðskjálftavirkni á öllu landinu er lýst í vikuyfirliti sem birt er á vefnum. Náttúruvársérfræðingur á vakt skrifar vikuyfirlitið sem birt er á þriðjudögum. Þar er farið yfir virkni vikunnar á öllum jarðskjálftasvæðum og í eldstöðvarkerfum á landinu. Ef jarðskjálftahrinur eru í gangi, stærri skjálftar eða aðrir markverðir atburðir hafa orðið í vikunni er fjallað sérstaklega um það.
Tæplega 450 skjálftar mældust þessa viku sem eru færri en í síðustu viku þegar um 700 skjálftar mældust. Virknin var nokkuð dreyfð um landið en helst ber að nefna skjálftann sem varð í Bárðarbungu þann 21.apríl en hann mældist 5.4 að stærð. Stórir skjálftar eru algengir í Bárðarbungu en þetta er stærsti skjálfti frá því að eldsumbrotunum lauk í Holuhrauni 2015. Áframhaldandi smáskjálftavirkni var einnig í Bárðarbungu eins og sést hefur síðustu vikur.
Eldgosið sem hófst 16. mars á Sundhnjúksgígaröð stendur enn yfir, en virkni er bundin við einn gíg.
Nánar er fjallað um jarðhræringarnar nærri Grindavík í fréttá forsíðu sem er uppfærð reglulega.
Nánar má skoða skjálftavirkni hér: SkjálftaLísa
Lesa meiraTæplega 700 skjálftar mældust þessa viku. Það eru nokkuð fleiri skjálftar en í síðustu viku, en svipað og í meðal viku á þessu ári þegar ekki hafa verið kvikuhlaup.
Virkni sem er helst vert að nefna þessa viku er skjálftahrina í sunnanverðu Kleifarvatni og smáskjálftahrina rétt norðvestan við Grindavík sem talin er tengjast spennubreytingum vegna áframhaldandi landriss í Svartsengi.
Enn er nokkur smáskjálftavirkni í Bárðarbungu eins og sést hefur síðustu vikur.
Einnig var smá virkni á Reykjaneshrygg, um 90km úti fyrir Reykjanestá.
Stærsti skjálfti vikunnar á landinu var 3,3 að stærð, í sunnanverðu Kleifarvatni kl 10 að morgni 13. apríl og fannst hann víða á SV horninu.
Eldgosið sem hófst 16. mars á Sundhnjúksgígaröð stendur enn yfir, en virkni er bundin við einn gíg.
Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.
Nánar má skoða skjálftavirkni hér: Skjálfta Lísa
Lesa meiraRúmlega 450 skjálftar mældust á landinu í fjórtándu viku ársins og hafa um 430 verið yfirfarnir. Er þetta nokkuð minni virkni en í fyrri viku þegar um 570 skjálftar mældust.
Virkni var nokkuð dreifð um land allt. Stærsti skjálftinn mældist 2,9 í Bárðarbungu 7. apríl.
Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.
Nánar má skoða skjálftavirkni hér: Skjálfta Lísa
Lesa meiraRúmlega 570 skjálftar mældust á landinu í þrettánduviku ársins og hafa um 550 verið yfirfarnir. Er þetta nokkuð meiri virkni en í fyrri viku þegar um 400 skjálftar mældust.
Mesta virkni í vikunni var á Reykjanesskaga. Stærsti skjálftinn mældist í norðanverðri Öskju, 3,5 að stærð í skammvinnri hrinu sem þar varð þann 25. mars. Einnig var nokkur virkni í Bárðarbungu en allir skjálftarnir undir 2,7 að stærð þar.
Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.
Lesa meira