Textaspá - Yfirlit
Hugleiðingar veðurfræðings
Norðaustur af Hvarfi er víðáttumikil lægð, sem situr þar og grynnist smám saman.
Sunnan og suðvestanátt í dag og næstu daga, allmennt gola eða kaldi. Skúrir og jafnvel slydduél á stöku stað, en skýjað með köflum á Norðaustur- og Austurlandi. Fremur milt í veðri. Þar sem bjart er að næturlagi og hægur vindur, geta myndast aðstæður fyrir næturfrost með lúmskri hálku. Eins eru líkur á að á sunnudag verði úrkoman vestantil á landinu nær samfelld rigning og að sama skapi hlýnar líka dálítið á landinu.
Spá gerð: 30.10.2026 06:30. Gildir til: 31.10.2026 00:00.
Veðuryfirlit
200 km NA af Hvarfi er allvíðáttumikil 977 mb lægð sem þokast NA og grynnist.
Samantekt gerð: 30.10.2026 08:16.
Veðurhorfur á landinu
Sunnan 5-13 m/s í dag. Skúrir vestantil og einnig suðaustanlands í kvöld, en bjart með köflum á Norðaustur- og Austurlandi.
Suðvestan 8-13 og skúrir eða slydduél á morgun, en áfram þurrt að kalla norðaustan- og austanlands.
Hiti 1 til 8 stig.
Spá gerð: 30.10.2026 07:46. Gildir til: 01.11.2026 00:00.
Veðurhorfur á höfuðborgarsvæðinu
Sunnan 3-8 og skúraleiðingar, en suðvestlægari á morgun. Hiti 2 til 7 stig.
Spá gerð: 30.10.2026 04:00. Gildir til: 31.10.2026 00:00.
Veðurhorfur á landinu næstu daga
Á sunnudag:
Suðvestan 5-13 m/s og rigning með köflum, en úrkomulítið norðaustantil. Hiti 3 til 9 stig.
Á mánudag:
Sunnan 5-13, en heldur hvassara vestast. Súld eða dálítil rigning sunnan- og vestanlands, en annars þurrt. Hiti 6 til 11 stig.
Á þriðjudag:
Sunnanátt með rigningu og mildu veðri, en úrkomulítið norðaustanlands. Vestlægari seinnipartinn, skúrir vestantil og kólnar heldur.
Á miðvikudag:
Sunnan- og suðvestanátt. Léttskýjað á austanverðu landinu, en smáskúrir vestanlands. Hiti 2 til 8 stig.
Á fimmtudag:
Suðlæg átt og rigning með köflum, einkum á sunnanverðu landinu.
Spá gerð: 30.10.2026 08:10. Gildir til: 06.11.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
