Textaspá - Yfirlit
Hugleiðingar veðurfræðings
Öflug hæð yfir Skotlandi og lægðardrag við Hvarf beina til okkar hlýrri og rakri sunnanátt, sem ber með sér rigningu eða súld á sunnan- og vestanverðu landinu. Í nótt nálgast skilabakki úr vestri, en áfram ríkir sunnanátt í fyrramálið, víða allhvöss eða hvöss og talsverð rigning, en léttir til á norðaustanverðu landinu. Þegar skilin fara hjá snýst í minnkandi suðvestanátt með lítilsháttar skúrum, fyrst vestast á landinu þegar líður að hádegi. Svalara loft fylgir í kjölfarið og kólnar því smám saman.
Á miðvikudag er svo útlit fyrir hæglætis sunnanátt með dálitlum skúrum á víð og dreif, en léttskýjuðu veðri á Norður- og Austurlandi.
Spá gerð: 02.11.2026 15:44. Gildir til: 04.11.2026 00:00.
Veðuryfirlit
Yfir Skotlandi er víðáttumikil og hægfara 1044 mb hæð. Við Hvarf er 976 mb lægð, sem þokast N og grynnist, en á Grænlandshafi er vaxandi lægðardrag, sem nálgast landið.
Samantekt gerð: 02.11.2026 13:13.
Veðurhorfur á landinu
Sunnan 8-15 m/s, en hvassara í vindstrengjum á norðvestanverðu landinu. Súld eða rigning með köflum sunnan- og vestanlands, en annars þurrt. Hiti 6 til 13 stig, hlýjast á Austurlandi.
Sunnan 10-18 m/s í fyrramálið og talsverð rigning sunnan- og vestantil, hvassara um tíma á Norðurlandi, en þurrt að kalla um landið norðaustanvert. Snýst suðvestan 8-15 með lítilsháttar skúrum eftir hádegi, fyrst vestast á landinu og kólnar smám saman. Hiti 2 til 10 stig annað kvöld.
Spá gerð: 02.11.2026 18:06. Gildir til: 04.11.2026 00:00.
Veðurhorfur á höfuðborgarsvæðinu
Sunnan 8-13 m/s og smá væta, en 10-15 og rigning í fyrramálið með hita 7 til 10 stig. Snýst í suðvestan 5-10 með lítilsháttar skúrum undir hádegi og kólnar heldur.
Spá gerð: 02.11.2026 18:08. Gildir til: 04.11.2026 00:00.
Veðurhorfur á landinu næstu daga
Á miðvikudag:
Suðvestan 5-13 m/s, en hægari sunnanlands. Dálitlar skúrir á víð og dreif, en léttskýjað á Norður- og Austurlandi. Hiti 2 til 8 stig að deginum.
Á fimmtudag:
Sunnan 8-15 m/s og rigning með köflum, en úrkomulítið um landið norðaustanvert. Hiti víða 5 til 10 stig. Vestlægari síðdegis, dregur úr vætu og kólnar.
Á föstudag:
Hæg suðvestlæg eða breytileg átt og skýjað með köflum, en suðvestankaldi og fer að rigna vestantil um kvöldið. Hiti 1 til 6 stig.
Á laugardag:
Útlit fyrir ákveðna suðvestanátt með rigningu, en lengst af þurrt fyrir austan og fremur milt veður.
Á sunnudag:
Suðvestlæg átt með skúrum eða rigningu víða á landinu, en norðlægari og él vestantil. Svalt í veðri.
Spá gerð: 02.11.2026 08:07. Gildir til: 09.11.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
