Textaspá - Yfirlit
Hugleiðingar veðurfræðings
Vindur hefur verið að minnka í dag og verður fremur hæg breytileg átt á landinu í kvöld. Það hefur verið skýjað að mestu um allt land í dag og hæsti hiti sem mælst hefur er í takt við það, eða í lægri kantinum miðað við árstíma. Þegar þetta er skrifað hefur mest mælst 16,0 stig í Básum á Goðalandi og 15,8 stig í Árnesi og ef til vill hafa verið smávegis glufur í skýjahulunni á þessum slóðum.
Á morgun er spáð suðvestan og vestan 5-10 m/s og má búast við vætu um mestallt land. Það gætu orðið nokkuð myndarlegar skúradembur á norðaustanverðu landinu. Hiti á morgun á bilinu 9 til 17 stig, hlýjast á Austfjörðum.
Á þriðjudag er síðan spáð sunnanátt með dálítilli rigningu sunnan heiða, en björtu veðri norðaustan- og austanlands og hiti allt að 18 stig þar. Um kvöldið eru horfur á að rigningarbakki komi inn á vestanvert landið og þá bætir í úrkomu á þeim slóðum.
Spá gerð: 28.06.2026 15:16. Gildir til: 30.06.2026 00:00.
Veðuryfirlit
500 km S af Hornafirði er 989 mb lægð sem fer NNA og frá henni liggur lægðardrag yfir Ísland.
Samantekt gerð: 28.06.2026 12:37.
Veðurhorfur á landinu
Breytileg átt 3-8 m/s í kvöld, en suðvestan og vestan 5-10 á morgun. Væta með köflum í flestum landshlutum.
Hiti 9 til 17 stig á morgun, hlýjast á Austfjörðum.
Spá gerð: 28.06.2026 15:14. Gildir til: 30.06.2026 00:00.
Veðurhorfur á höfuðborgarsvæðinu
Fremur hæg vestlæg átt í kvöld og dálítil væta. Suðvestan 3-8 m/s fyrir hádegi á morgun og smáskúrir. Hiti 8 til 13 stig.
Spá gerð: 28.06.2026 15:14. Gildir til: 30.06.2026 00:00.
Veðurhorfur á landinu næstu daga
Á þriðjudag:
Sunnan 5-13 m/s og dálítil rigning, en bjartviðri norðaustan- og austanlands. Bætir í rigningu á vestanverðu landinu um kvöldið. Hiti 10 til 18 stig, hlýjast á Austurlandi.
Á miðvikudag:
Sunnan 8-13 m/s, rigning eða skúrir og hiti 8 til 12 stig. Bjartviðri norðaustantil á landinu með hita að 17 stigum, en stöku skúrir þar síðdegis.
Á fimmtudag:
Suðvestlæg eða breytileg átt 3-10 og skúrir eða rigning um mestallt land. Hiti 7 til 13 stig.
Á föstudag:
Vestan og norðvestan 5-13 og víða vætusamt, en úrkomulítið á suðaustanverðu landinu. Hiti 7 til 15 stig, hlýjast suðaustanlands.
Á laugardag:
Sunnan og suðvestan 3-8 og lítilsháttar rigning, en þurrt á Norður- og Austurlandi. Hiti 8 til 15 stig, hlýjast norðaustantil.
Spá gerð: 28.06.2026 09:18. Gildir til: 05.07.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
