Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Lægir víða með kvöldinu og í nótt. Snýst í norðan 8-15 m/s á morgun, en 13-18 syðst og austan Öræfa síðdegis. Slydda eða snjókoma með köflum norðan- og austanlands, en yfirleitt rigning með ströndinni, annars bjartviðri sunnan heiða. Hiti 3 til 12 stig, mildast syðst, en um og undir frostmarki í innsveitum norðan jökla.
Spá gerð: 11.05.2026 17:54. Gildir til: 13.05.2026 00:00.
Veðurhorfur á landinu næstu daga
Á miðvikudag:
Fremur hæg breytileg átt og dálitlar skúrir, en þurrt að mestu vestanlands framan af degi. Sunnan 3-10 seinnipartinn og þykknar upp með rigningu eða slyddu, fyrst vestanlands. Hiti 3 til 10 stig.
Á fimmtudag (uppstigningardagur):
Fremur hæg suðlæg eða breytileg átt. Dálitlir skúrir eða slydduél, en skýjað með köflum og þurrt að kalla sunnanlands. Þykknar upp með kvöldinu og fer að rigna, fyrst vestanlands. Hiti 3 til 12 stig, mildast syðst.
Á föstudag:
Suðaustanátt með rigningu, en bjartviðri um landið norðaustanvert. Hiti 6 til 12 stig, hlýjast fyrir norðan.
Á laugardag:
Suðlæg átt og skúrir, en léttir til norðaustanlands síðdegis. Hiti 7 til 14 stig.
Á sunnudag:
Austlæg átt með skúrum, en léttskýjað um landið norðanvert. Hiti breytist lítið.
Spá gerð: 11.05.2026 07:58. Gildir til: 18.05.2026 12:00.
Hugleiðingar veðurfræðings
Lægðin sem nú er stödd út á Grænlandssundi færir sig austur yfir landið í kvöld og nótt. Á morgun verður hún á sveimi úti við austurströndina og snýst þá í norðan- og norðaustanátt, yfirleitt á bilinu 8-15 m/s, en heldur hvassara sumsstaðar við Suðurströndina þegar líða fer á daginn. Þá kólnar einnig norðanlands með slyddu eða snjókomu inn til landsins, en rigningu með ströndinni.
Það lægir svo í flestum landshlutum annað kvöld og á miðvikudag er útlit fyrir fremur hæga breytilega átt í öllum landshlutum og heldur svalara veður norðan- og austanlands.
Útlit er fyrir heldur hlýrra veður á fimmtudeginum, með rigningu um kvöldið, fyrst vestantil, sem varir inn í föstudaginn.
Spá gerð: 11.05.2026 16:44. Gildir til: 13.05.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica