Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Sunnan og suðvestan 5-13 m/s, en 10-18 um landið norðvestanvert. Súld með köflum á Suður- og Vesturlandi og hiti 10 til 15 stig. Þurrt og bjart veður norðaustan- og austanlands með hita 18 til 25 stig.
Bætir aðeins í vind á morgun og fer að rigna vestantil seinnipartinn. Hiti breytist lítið.
Spá gerð: 11.07.2026 07:45. Gildir til: 13.07.2026 00:00.
Veðurhorfur á landinu næstu daga
Á sunnudag:
Sunnan og suðvestan 8-15 m/s, en 13-20 í norðvesturfjórðungi landsins. Skýjað og dálítil súld á Suður- og Vesturlandi, fer að rigna vestantil seinnipartinn. Hiti 10 til 15 stig. Bjartviðri norðaustan- og austanlands með hita 18 til 25 stig.
Á mánudag:
Sunnan og suðvestan 5-13 og rigning eða súld, einkum vestantil.
Hiti 11 til 20 stig, hlýjast um landið norðaustanvert.
Á þriðjudag:
Sunnan 3-8 og víða rigning, talsverð úrkoma suðvestanlands. Þurrt að kalla norðan heiða um kvöldið. Hiti 11 til 17 stig, hlýjast fyrir norðan.
Á miðvikudag:
Suðlæg átt og súld eða rigning með köflum, en úrkomulítið á austanverðu landinu. Hiti 12 til 23 stig, hlýjast á Austurlandi.
Á fimmtudag:
Vestlæg átt og lítilsháttar rigning eða skúrir, en styttir upp á Suðausturlandi og Austfjörðum. Hiti 10 til 18 stig, hlýjast austast á landinu.
Á föstudag:
Vestlæg eða breytileg átt og víða léttskýjað, en skýjað á Vesturlandi. Hiti 12 til 20 stig, hlýjast suðaustantil.
Spá gerð: 10.07.2026 20:00. Gildir til: 17.07.2026 12:00.
Hugleiðingar veðurfræðings
Hæð vestur af Írlandi þokast norðaustur og mun hún stýra veðrinu hjá okkur um helgina, ásamt því að þrýstingur verður tiltölulega lágur við suðausturströnd Grænlands. Þessi staða veðrakerfanna beinir til okkar mjög hlýjum loftmassa og áttin verður úr suðri eða suðvestri. Vindur verður nokkuð stífur og geta vindstrengir í norðvesturfjórðungi landsins orðið varasamir, einkum fyrir þau ökutæki sem viðkvæmust eru fyrir vindi.
Hitastigi nærri jörðu verður misskipt milli landshluta. Á Suður- og Vesturlandi verður skýjað og súld með köflum með hita 10 til 15 stig, seinni partinn á morgun fer síðan að rigna vestantil á landinu. Norðaustan- og austanlands verður bjart veður og hitinn yfirleitt á bilinu 18 til 25 stig. Ekki er ólíklegt að á stöku mælistöð á Austurlandi eða Austfjörðum geti hitinn náð aðeins hærra.
Fram eftir næstu viku er áfram spáð suðlægri átt, en með vætusömu veðri. Úrkoman verður væntanlega minnst austanlands og þar verður áfram hlýjast, hiti kringum 20 stig þegar best lætur.
Spá gerð: 11.07.2026 06:52. Gildir til: 12.07.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica