Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Norðlæg eða breytileg átt 3-10 m/s. Dálítil riging eða súld á norðanverðu landinu, en styttir upp síðdegis. Þurrt að kalla sunnanlands framan af degi, en dálítil væta þar síðdegis. Hiti 9 til 16 stig, hlýjast suðvestantil.
Vestlæg átt 3-8 og lítilsháttar væta á morgun, en úrkomulítið austantil. Hiti 12 til 17 stig.
Spá gerð: 18.08.2025 04:07. Gildir til: 19.08.2025 00:00.
Veðurhorfur á landinu næstu daga
Á þriðjudag:
Hæg suðvestlæg eða breytileg átt, skýjað með köflum og sums staðar lítilsháttar væta. Hiti 12 til 19 stig, hlýjast norðaustantil.
Á miðvikudag:
Norðvestan 5-10 m/s með norðausturströndinni, en annars hægviðri. Yfirleitt léttskýjað, en sums staðar þokubakkar við sjávarsíðuna. Hita 12 til 18 stig.
Á fimmtudag:
Hægviðri, skýjað og dálítil væta á víð og dreif, en bjart að mestu fyrir austan. Hiti 12 til 17 stig.
Á föstudag:
Ákveðin suðaustanátt og rigning á sunnan- og vestanverðu landinu, en hægari og þurrt að kalla norðan- og austantil. Hiti breytist lítið.
Á laugardag:
Suðlæg átt og dálítil rigning eða súld, en bjart að mestu norðanlands. Hiti 12 til 20 stig, hlýjast á Norðausturlandi.
Á sunnudag:
Útlit fyrir suðaustanátt. Rigning víða um land, einkum sunnantil, en léttskýjað norðaustantil. Hlýtt í veðri.
Spá gerð: 17.08.2025 20:05. Gildir til: 24.08.2025 12:00.
Hugleiðingar veðurfræðings
Næstu daga stýrir víðáttumikil hæð veðrinu með hægum vindum, úrkomulítlu og mildu veðri, en á föstudag taka lægðar við valdataumunum með hvössu og vætusömu veðri.
Í dag verður norðlæg eða breytileg átt 3-8 m/s. Dálítil rigning á norðanverðu landinu, en þurrt að kalla sunnanlands. Eftir hádegi snýst veðrinu, styttir upp fyrir norðan, en þá lítilsháttar væta sunnantil. Hiti 8 til 16 stig, hlýjast suðvestanlands.
Á morgun verður vestlæg át 3-8 m/s. Skýjað og dálíti væta á víð og dreif, en þurrt að mestu fyrir austan. Hiti 12 til 17 stig.
Á miðvikudag verður norðvestan 5-10 m/s á Norðausturlandi, en annars hæg breytileg átt. Léttir til víða um land, bjartviðri í flestum landshlutum síðdegis. Hiti 10 til 20 stig, hlýjast á Suðurlandi.
Á fimmtudag gera spár ráð fyrir breytilegri átt. Áfram bjartviðri fyrir austan, en skýjað vestanlands með dálítilli vætu hér og þar. Hiti 12 til 17 stig.
Á föstudag og um helgina er útlit fyrir ákveðnar suðlægar áttir. Rigning öðru hverju, en lengst af þurrt norðaustanlands. Áfram fremur milt í veðri.
Spá gerð: 18.08.2025 04:30. Gildir til: 19.08.2025 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica