Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Hæg suðlæg eða breytileg átt í dag, skýjað og smáskúrir, en bjart með köflum norðaustantil. Suðaustan 5-15 á morgun, hvassast við suðvesturströndina og á norðanverðu Snæfellsnesi. Dálítil rigning eða súld, en áfram bjart með köflum norðaustantil. Hiti 5 til 11 stig, svalast austanlands, en heldur hlýnandi á morgun.
Spá gerð: 14.05.2026 10:19. Gildir til: 16.05.2026 00:00.
Veðurhorfur á landinu næstu daga
Á laugardag:
Suðaustan og austan 8-15 m/s og víða rigning eða súld, einkum sunnanlands, en bjart norðaustantil. Hiti 4 til 14 stig, hlýjast á Norðurlandi, en svalast með austurströndinni.
Á sunnudag:
Austlæg átt, yfirleitt 3-8 m/s og skýjað með köflum og þurrt að kalla, en stöku skúrir síðdegis suðvestan- og vestanlands. Hiti 4 til 11 stig, svalast austanlands.
Á mánudag:
Austlæg átt, 3-10, skýjað og lítilsháttar væta austanlands, en annars bjart með köflum og stöku skúrir síðdegis. Hiti 5 til 13 stig, hlýjast vestanlands.
Á þriðjudag og miðvikudag:
Útlit fyrir áframhaldandi austlæga eða breytilega átt með dálítilli vætu fyrir austan, en bjart með köflum vestantil og þurrt að kalla og fremur milt.
Spá gerð: 14.05.2026 08:38. Gildir til: 21.05.2026 12:00.
Hugleiðingar veðurfræðings
Yfir landinu er hæðarhryggur, sem þokast suðaustur, en skammt norðaustur af Hvarfi er vaxandi lægðardrag á hreyfingu norðaustur. Fremur svalt í morgunsárið og sums staðar vægt frost inn til landsins, en hlýnar heldur með hægri suðlægri átt og hækkandi sól. Léttir smám saman til norðan- og austanlands í dag, en þykknar upp sunnan- og vestantil með súld eða smá rigningu síðdegis. Á morgun - föstudag - er vindur orðinn suðaustlægari, strekkingur vestast, en annars hægari. Víða rigning eða súld og úrkomumeira um kvöldið, en þurrt og víða léttskýjað norðaustantil.
Á laugardag - kjördag - er útlit fyrir austan- og suðaustanátt, víða kalda eða strekking með rigningu, en þurrt að mestu á Norður- og Austurlandi. Hiti 8 til 13 stig fyrir norðan, en annars svalara.
Spá gerð: 14.05.2026 05:24. Gildir til: 15.05.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica