Valmynd.

Staðaspár -

Sýna flokk veðurstöðva

Finna spá fyrir veðurstöð

Stöðvalisti
 

Textaspá fyrir allt landið

Veðurhorfur á landinu

Norðaustan 10-15 m/s norðvestantil, en 5-10 sunnan- og austanlands. Rigning eða súld um mest allt land og hiti 7 til 12 stig.
Víða norðan 8-15 á morgun. Styttir smám saman upp og fer að létta til suðvestan- og vestantil, en annars víða rigning og talsverð úrkoma á Austurlandi um tíma. Hiti 5 til 16 stig, mildast syðst. Fer að draga út vindi og úrkomu annað kvöld og kólnar heldur.
Spá gerð: 07.08.2026 18:26. Gildir til: 09.08.2026 00:00.

Veðurhorfur á landinu næstu daga

Á sunnudag:
Norðan og norðvestan 5-10 m/s. Dálítil rigning eða súld á Norður- og Austurlandi og hiti 5 til 10 stig, en úrkomulítið síðdegis. Bjartviðri sunnan- og vestanlands með hita að 16 stigum, en likur á skúrum allra syðst.

Á mánudag:
Vestlæg eða breytileg átt 3-8 og víða léttskýjað með hita 11 til 18 stig yfir daginn.

Á þriðjudag:
Hægt vaxandi auatlæg átt og þykkar smám saman upp. Fer að rigna eftir hádegi, fyrst syðst á landinu. Hiti 12 til 18 stig að deginum.

Á miðvikudag (almyrkvi á sólu):
Austan og norðaustan 3-10 m/s og rigning, en skýjað með köflum og úrkomuminna á Norður- og Austurlandi. Hiti 8 til 18 stig, svalast við norðurströndina.

Á fimmtudag:
Fremur hæg norðlæg eða breytileg átt, en norðaustan 8-13 norðvestantil. Skýjað að mestu og dálítil væta í flestum landshlutum, einkum þó norðantil. Hiti 8 til 15 stig, mildast syðst.

Á föstudag:
Útlit fyrir norðanátt með rigningu framan af degi fyrir norðan, en úrkomulítið um landið sunnan- og vestanvert. Hlýnar heldur.
Spá gerð: 07.08.2026 20:00. Gildir til: 14.08.2026 12:00.

Hugleiðingar veðurfræðings

Í dag hefur verið stíf norðaustanátt landið norðvestanvert, en hægari vindur sunnan- og austanlands. Rigning eða súld um allt land og hiti hefur hæst komist í 14 stig í Öræfum og á Kjalarnesi.

Á morgun er gert ráð fyrir stífri norðanátt um mest allt land, en hægari breytileg átt allra syðst. Það verður áfram rigning eða súld um norðan og austanvert landið og talsvert útkomumagn er í vændum á Austurlandi. Um suðvestan- og vestanvert landið styttir smám saman upp þegar kemur fram á daginn og fer að létta til. Hiti á morgun verður víðast 7 til 16 stig, mildast syðst. Kólnar heldur annað kvöld, dregur úr úrkomu og einnig úr vindi.

Á sunnudaginn á síðan að draga úr norðanáttinni. Enn má búast við dálítilli vætu og svölu veðri á Norður- og Austurlandi. Sunnan- og vestanlands ætti hins vegar að verða bjart veður með hita 15-16 stig þegar best lætur.

Eftir helgina er reiknað með hægum vind og víða léttskýjað og hlýnar á ný norðan- og austanlands. Svo gerum við ráð fyrir að lægð nálgist landið á þriðjudaginn það þykknar upp og spár gera núna ráð fyrir að það verði víða rigning stóran hluta dags á miðvikudag.

Varðandi veður á sólmyrkvadeginum er enn talsverð óvissa um útbreiðslu og tímasetningu skýja og úrkomu. :-)
Spá gerð: 07.08.2026 15:43. Gildir til: 09.08.2026 00:00.

Tengt efni

Fróðleiksgreinar

Spáforsíða

Stutt lýsing á kortum og staðarspám á spáforsíðu.

Lesa meira

Viðvörunarkerfi Veðurstofunnar

Viðvörunarkerfi Veðurstofunnar byggist á alþjóðlegum staðli sem kallast CAP (Common Alerting Protocol) og er stafrænt snið fyrir miðlun neyðartilkynninga og viðvarana um náttúruvá. Útgefin skeyti eru á stöðluðu formi sem samræmir alla miðlun viðvarana yfir mismundandi samskiptaleiðir og miðla. Hvert CAP skeyti inniheldur upplýsingar um þá náttúruvá sem varað er við, landshlutann sem viðvörunin nær til, gildistíma og mat á því hversu mikil áhrif umrædd vá getur haft á samfélagið.

Lesa meira

Jólasnjór í Reykjavík

Á 95 ára tímabili frá 1921 til 2015 voru 43 jóladagar hvítir í Reykjavík. Hér má finna lista um snjódýpt og snjóhulu á jóladagsmorgunn í Reykjavík. Örfá ár vantar inn í listann.

Lesa meira

Tíðavísur úr Flatey

Karl Guðbrandsson símstöðvarstjóri í Flatey var veðurathugunarmaður þar á árunum 1966 til 1971. Fyrir kom að hann sendi kviðlinga með veðurskýrslunum og þar á meðal tíðavísurnar hér að neðan.

Lesa meira

Eldri fróðleiksgreinar

Veðursíminn

  Reykjanesskagi
  Sólmyrkvi

Aðrir tengdir vefir

Samskipti

© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn | Persónuvernd

Þetta vefsvæði byggir á Eplica