Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Norðlæg átt 8-15 m/s, en mun hvassari syðst og austan Öræfa síðdegis. Rigning eða slydda með köflum norðan- og austanlands, en yfirleitt snjókoma til fjalla þar. Bjartviðri sunnan heiða. Hiti víða í kringum 5 til 13 stig, mildast sunnantil, en um frostmark í innsveitum norðanlands.
Lægir í nótt, breytileg átt 3-10 á morgun. Skýjað og allvíða dálítil væta. Heldur svalara.
Spá gerð: 12.05.2026 10:27. Gildir til: 14.05.2026 00:00.
Veðurhorfur á landinu næstu daga
Á fimmtudag (uppstigningardagur):
Hæg suðlæg eða breytileg átt og víða bjart með köflum, en dálitlar skúrir sunnan- og vestanlands. Þykknar upp með deginum, fyrst vestantil. Hiti breytist lítið.
Á föstudag:
Suðaustan og austan gola eða kaldi. Rigning eða súld á köflum, einkum sunnan- og vestantil, en lengst af bjartviðri um landið norðaustanvert. Hiti yfirleitt 6 til 11 stig.
Á laugardag:
Suðaustlæg átt og rigning, en þurrt norðaustantil. Hiti breytist lítið.
Á sunnudag:
Austlæg átt með vætu á Suður- og Vesturlandi, einkum suðaustantil, en yfirleitt þurrt annars staðar. Hiti 4 til 13 stig, hlýjast um landið norðaustanvert.
Á mánudag:
Útlit fyrir áframhaldandi austlæga átt og rigningu með köflum, en úrkomuminna norðanlands. Hiti breytist lítið.
Spá gerð: 12.05.2026 08:27. Gildir til: 19.05.2026 12:00.
Hugleiðingar veðurfræðings
Lægðin sem var fyrir vestan land í gær er nú kominn austur fyrir land og heldur að okkur skammvinnri norðanátt. Strekkingsvindur nokkuð víða og að auki allnokkur úrkoma um landið norðanvert. Þar sem svalt verður nyrðra þá gæti náð að slydda á láglendi og snjókoma yfir 200 til 300 metra hæð yfir sjó. Líklega verður nú mest af úrkomunni rigning á láglendi. Sunnantil verður lengst af léttskýjað og hiti að 13 stigum þar sem best lætur en það verður líklegast suðaustanlands. Lægir með kvöldinu og dregur jafnframt úr úrkomunni.
Á morgun gera spár ráð fyrir rólegheita veðri víðast hvar, hægur vindur en fremur skýjað og einhverrar vætu má búast við um landið sunnan- og vestanvert, en hvergi ætti að vera um mikið magn að ræða.
Hitatölurnar heldur jafnari á morgun, víða 5 til 9 stiga hiti en líklegt er að hæstu hitatölunar gæti orðið á Suðurlandi.
Á fimmtudag, Uppstigningardag er útlit fyrir hæga suðlæga eða breytilega átt, víða léttskýjað á Norður- og Austurlandi en skýjað og úrkomulítið í öðrum landshlutum. Þá verður svalast á Austfjörðum en nokkuð víða 7 til 12 stiga hiti á norðan- og vestanverðu landinu.
Spá gerð: 12.05.2026 06:31. Gildir til: 13.05.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica