Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Austan- og suðaustan 10-18 m/s og rigning, hvassast syðst, en norðaustan 8-15 norðvestanlands. Talsverð eða mikil úrkoma um tíma suðaustantil í fyrstu. Snýst í suðaustan 8-15 og dregur úr vætu í kvöld, en fer að rigna aftur í nótt.
Austlæg átt 10-18 á morgun, en 18-23 um tíma syðst í fyrramálið. Víða rigning, en talsverð eða mikil úrkoma suðaustanlands. Hægari og rofar víða til seinnipartinn. Hvessir og bætir í úrkomu aftur annað kvöld. Hiti 7 til 15 stig, hlýjast á Norðurlandi.
Spá gerð: 29.09.2026 10:09. Gildir til: 01.10.2026 00:00.
Veðurhorfur á landinu næstu daga
Á fimmtudag:
Suðaustlæg átt 15-23 m/s, en suðlæg átt 10-18 upp úr hádegi. Rigning með köflum, talsverð eða mikil úrkoma sunnan- og austantil, en lengst af þurrt á Norðausturlandi. Dregur úr vindi vestantil seinnipartinn. Hiti víða 9 til 14 stig.
Á föstudag:
Minnkandi suðlæg átt, 5-10 síðdegis. Víða skúrir, einkum sunnan- og vestantil og hiti 6 til 12 stig.
Á laugardag:
Austlæg átt 8-13 og rigning sunnanlands, annars hægari og bjart að mestu. Hiti 4 til 8 stig.
Á sunnudag:
Breytileg átt, skýjað og sums staðar dálítil væta. Bjart að mestu suðvestantil fram eftir degi, en fer að rigna þar um kvöldið. Hiti breytist lítið.
Á mánudag:
Útlit fyrir suðvestlæga átt með rigningu eða skúrum, en léttir til norðaustanlands eftir hádegi. Hiti 5 til 10 stig.
Spá gerð: 29.09.2026 08:11. Gildir til: 06.10.2026 12:00.
Hugleiðingar veðurfræðings
Lægð kemur upp að landinu í morgunsárið, en henni fylgir vaxandi austanvindur og skýjaþykkni. Gengur síðan í allhvassa eða hvassa austan- og norðaustanátt með rigningu, talsverð eða mikil úrkoma á sunnan- og suðvestanverðu landinu um tíma í dag, en styttir síðan upp á Norðausturlandi. Hægari suðaustlæg átt og rofar til með kvöldinu.
Á morgun, miðvikudag, er önnur lægð í farvatninu, heldur krappari og dýpri en lægð dagsins, en sú kemur einkum við sögu á fimmtudag. Þegar lægðin nálgast gerir allhvassa eða hvassa austátt með rigningu, einkum sunnan- og vestantil og má reikna með úrhelli suðaustan til. Vindur nær stormstyrk um tíma í fyrramálið, einkum undir Eyjafjöllum, í Mýrdal og Öræfum, sem getur skapað varasamar aðstæður fyrir ökutæki sem taka á sig mikinn vind. Dregur síðan úr vindi og styttir upp, en hvessir aftur og rignir annað kvöld. Fremur hlýtt í veðri næstu daga, yfirleitt á bilinu 10 til 15 stig.
Á fimmtudag nær seinni lægðin landi og gengur þá í sunnanhvassviðri, jafnvel storm, með talsverðri rigningu á sunnanverðu landinu. Bjart með köflum fyrir norðan og þurrt að mestu og áframhaldandi hlýindi um land allt.
Spá gerð: 29.09.2026 05:11. Gildir til: 30.09.2026 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica