Forsíða Veðurstofu Íslands

Veðurspá

Horfur næsta sólarhringinn

Suðlæg átt, 3-10 m/s og skúrir, en skýjað með köflum á austanlands. Norðaustlægari og fer að rigna suðaustantil í kvöld. Hiti 11 til 20 stig, hlýjast norðaustantil, en svalara í þokuloft við austurströndina.
Spá gerð 11.07.2025 00:11

Úrkomuspá Hitaspá Vindaspá

Spá fyrir veðurstöð - 1

Spá fyrir veðurstöð - 2

Spá fyrir veðurstöð - 3

Spá fyrir veðurstöð - 4

Spá fyrir veðurstöð - 5

Allt Ísland

Fréttir

Jökulhlaup úr Mýrdalsjökli í Leirá syðri og Skálm - 10.7.2025

Rafleiðni og vatnshæð í Leirá syðri og Skálm fór hægt vaxandi í nótt í kjölfar aukningar síðustu daga. Undir morgun tók vatnshæð og rafleiðni að lækka og lítur út fyrir að hámarki í Leirá hafi verið náð í gærkvöldi (sjá mynd 1) og í Skálm við brúna yfir þjóðveg 1 nú í morgun. Einnig hefur dregið úr óróa við Austmannsbungu frá því í morgun.

Líklegast er að hlaupið haldi áfram í rénum og rennsli hverfi aftur að venjulegu sumarrennsli. Ekki er hægt að útiloka að hvellsuða í jarðhitakerfum við jökulbotn verði af völdum þrýstingsléttingar í kjölfar hlaupsins. Slíkt gæti leitt til ísbráðnunar og aukins hlaupvatns.

Lesa meira

Tíðarfar í júní - 2.7.2025

Kalt var um allt land í mánuðinum og loftþrýstingur lágur. Víða var meðalhiti júnímánaðar lægri en í maí, sem var óvenjulega hlýr. Það var mjög úrkomusamt á Norður- og Norðausturlandi og sólskinsstundir voru fáar miðað við árstíma á Akureyri. Aftur á móti var tiltölulega þurrt á vestanverðu landinu. Norðanhret gekk yfir landið 3. og 4. dag mánaðarins og ollu þá vindur og sér í lagi úrkoma töluverðum vandræðum.

Lesa meira

Áframhaldandi landris í Svartsengi - 1.7.2025

Uppfært 1. júlí 2025 

Landris og jarðskjálftavirkni í Svartsengi halda áfram og hafa verið stöðug síðustu vikur. Um 10 smáskjálftar mælast að jafnaði á dag, flestir norðan við Grindavík og suður af Stóra Skógfelli. Kvikusöfnun undir Svartsengi heldur áfram.

Ekki hafa orðið breytingar sem gefa tilefni til að endurskoða hættumat. Ef kvikusöfnun heldur áfram gætu líkur á kvikuhlaupi eða eldgosi aukist með haustinu.


Lesa meira

Háskóli Íslands flytur ofurtölvu í húsnæði Veðurstofunnar - 27.6.2025

Háskóli Íslands hefur tekið í notkun nýjan tölvusal með ofurtölvum og gagnageymslum í húsnæði Veðurstofu Íslands. Þetta er hluti af IREI (Icelandic Research e-Infrastructure) sem styður rannsóknir háskóla og rannsóknastofnana um allt land.

Samrekstur tölvusalsins styrkir samstarf Háskóla Íslands og Veðurstofunnar og eflir innviði fyrir rannsóknir, loftslagsmál, náttúruvá og alþjóðlegt vísindasamstarf. Áhersla er lögð á að þessir innviðir séu forsenda nákvæmra spáa, viðvarana og rannsókna, sérstaklega vegna loftslagsbreytinga, eldgosa, jarðskjálfta og flóða.

Lesa meira

Vetrarafkoma Hofsjökuls mældist óvenju rýr - 16.6.2025

Fjórir starfsmenn Veðurstofu Íslands mældu vetrarafkomu Hofsjökuls í árlegum vorleiðangri dagana 4.–8. maí síðastliðinn. Mældir voru 20 punktar á ísasviðum Sátujökuls, Þjórsárjökuls, Blágnípujökuls og Blautukvíslarjökuls (sjá myndir 1 og 2), sem samtals ná yfir rúman helming af flatarmáli Hofsjökuls. Á hverjum punkti var borað í gegnum snjólag vetrarins, eðlisþyngd og hitastig snævarins mæld og lagskipting skráð. Einnig var snjósjá notuð til að mæla samfelld snjóþykktarsnið milli mælipunktanna. Lesa meira

Greining: Loftslagsbreytingar gerðu hitabylgjuna í maí líklegri og heitari - 11.6.2025

Í maí 2025 gekk óvenjumikil hitabylgja yfir Ísland og Grænland. Þann 15. maí mældust 26,6°C á Egilsstaðaflugvelli, sem er nýtt landsmet fyrir maímánuð, og hitamet voru slegin á fjölda veðurstöðva víða um land. Hitabylgjan stóð yfir í um níu daga og þó að svipaðar veðuraðstæður hafi komið áður, þótti þessi sérlega athyglisverð vegna þess hve snemma hún reið yfir, hversu lengi hún stóð og hversu víðtæk áhrifin urðu.

Samkvæmt nýrri alþjóðlegri greiningu vísindahópsins World Weather Attribution gerðu loftslagsbreytingar af mannavöldum slíka hitabylgju allt að fjörutíu sinnum líklegri og um þremur gráðum heitari en ella. Þá varð einnig veruleg aukning á bráðnun Grænlandsjökuls á sama tíma.

Greiningin byggir á samanburði veðurmælinga frá Íslandi og Grænlandi og niðurstöðum loftslagslíkana. Hún er fyrsta formlega úttektin sem metur áhrif loftslagsbreytinga á hitabylgjur á þessum árstíma á Íslandi.

Lesa meira

Eldri fréttir


Fróðleikur

Þyrlar og sveipir

Rykþyrlar eru algengir á hlýjum dögum á sendnu undirlendi og í kjölfar Eyjafjallajökulsgossins mátti sjá stóra öskuþyrla á Markarfljótsaurum sem þyrluðu öskunni hátt á loft. Í þessari grein má fræðast um þyrla og sveipi af ýmsu tagi, bæði á Íslandi og annars staðar. Veðurstofan þiggur ljósmyndir af slíkum fyrirbærum hérlendis.

Lesa meira
 

Fleiri greinar um skylt efni


Útgáfa og rannsóknir

Ný útgáfa

 

Þetta vefsvæði byggir á Eplica