Forsíða Veðurstofu Íslands

Lægsti loftþrýstingur sem mælst hefur á Íslandi í október mældist á Fagurhólsmýri í óveðrinu 14. október, 934,6 hPa. Mikill vindur, sjávarflóð og talsverð úrkoma fylgdu lægðinni og tjón varð meðal annars á Siglufirði.

Lesa meira

Djúp lægð nálgast landið í nótt með austan stormi og talsverðri úrkomu í fyrramálið. Síðdegis gengur í norðan stórhríð norðvestanlands sem færist austur um nóttina. Veðrið gengur niður á fimmtudag. Fylgist með veðurviðvörunum.

Lesa meira

Hiti í september var rétt yfir meðallagi áranna 1991 til 2020. Loftþrýstingur var óvenjulágur. Meðalloftþrýstingur hefur aðeins einu sinni mælst lægri í septembermánuði í Reykjavík frá upphafi mælinga. Úrkoma var yfir meðallagi í flestum landshlutum, nema á suðvesturhorninu. Seinni hluti mánaðarins var mjög úrkomusamur, þá sérstaklega á Vestfjörðum, Austfjörðum, Suður- og Suðausturlandi. Eitthvað var um skriðuföll og grjóthrun í þessum landshlutum.

Lesa meira

Niðurstaða fyrsta hluta endurskoðaðs áhættumats vegna öryggis fólks í Grindavík liggur nú fyrir. Matið gildir fyrir byggð svæði í Grindavík innan varnargarða. Almannavarnadeild ríkislögreglustjóra fer með gerð og útgáfu áhættumatsins í samstarfi við almannavarnanefnd Grindavíkur. Lesa meira

Gular skriðuviðvaranir hafa nú verið gefnar út fyrir sex svæði vegna úrkomu. Þær ná til norðanverðra Vestfjarða, Stranda og vestanverðs Húnaflóa, sunnanverðra Austfjarða, Suðausturlands, Suðurlands og innsveita Suðurlands og miðhálendisins. Viðvaranirnar hafa mismunandi gildistíma og aðstæður eru ólíkar eftir svæðum. Á skriðusíðunum má sjá hvar viðvaranir eru í gildi, gildistíma þeirra og nánari upplýsingar um hættuna á hverju svæði. Lesa meira