Þrjár vísindanefndir munu draga saman og meta vísindalega þekkingu á loftslagsbreytingum á Íslandi, áhrifum þeirra og aðgerðum til að draga úr losun og auka bindingu. Nýtt fyrirkomulag var kynnt á opnum fundi í Norræna húsinu 3. nóvember. Niðurstöðurnar eiga að nýtast stjórnvöldum, fyrirtækjum og almenningi og er áætlað að skýrslurnar liggi fyrir í lok árs 2029. Lesa meira

Október var tiltölulega hlýr og mjög úrkomusamur. Hlýjast var á Norðaustur- og Austurlandi en svalara á suðvesturhluta landsins. Úrkoma var vel yfir meðallagi um allt land og úrkomudagar voru margir. Loftþrýstingur var lágur í mánuðinum og það var nokkuð illviðrasamt. Óvenju djúp lægð gekk yfir landið þ. 14. sem olli talsverðum skemmdum á Siglufirði.

Lesa meira

Vöktunarkerfi sem sett var upp á Svínafellsheiði til að fylgjast með hreyfinum í hlíðinni hefur greint hreyfingar frá 23. september síðastliðnum. Þetta eru fyrstu hreyfingar sem greinast með svo skýrum hætti frá því að vöktun hófst á heiðinni haustið 2018. Hreyfingin er enn sem komið er hæg og ekki er hægt að segja til um hvernig hún muni þróast. Veðurstofan hefur aukið vöktun.

Lesa meira